Page 17 - ATA front covers-14_Neat
P. 17
For di luna di mei a haci e controladornan aereo a cuminsa haci e training teoretico y
practico na Trinidad.
Segun Nilky Kock, ora nan termina cu e cursonan ta intencion pa luna di augustus awor e
suplier na Francia tambe lo duna su curso necesario tanto p’e personal tecnico como y di
otro banda e personal operacional lo sera conoci mihor ainda di e sistema funcionalidad
di e sistema.
Pa cuminsamento, pa ser exacto dia 4 di september Aruba lo bay over pa su sistema nobo
di radar. Esaki lo wordo haci cu un ambiente di fiesta sigur.
Gran parti ya a cuminsa ser instala for di lunanan di april y mei y dos siman pasa tabatin
e SAT, loke nifica cu ANSA a acepta e sistema di radar ta cumpli, manera ANSA a
desea.
Aruba por bisa awe cu masha orguyo cu nos tin un sistema mas sofestica y ta den uso
caba, maske pa “a situation awareness” pa tur controlador aereo tin un bista unda tur
trafico aereo ta.
Te ainda Aruba no ta usa e sistema di radar pa separa avionnan di otro. Pero na september
lo haya un on the job training, cu lo dura 5 pa 6 luna, p’e ora ey, tur controlador aereo lo
ta operador di radar tambe.
Segun Nilky Kock lo bay live cu radar awor y na februari 2018, tur e controladornan
aereo lo ta certifica tambe.
