Page 20 - awem

20 AWEMainta Dialuna, 11 April 2016

Deloitte Academy Learning
Solutions 2016 a ofrece

Un atardi
di comparti
tendencianan
global di capital
humano

MARINA Kooijmans, director den colaboracion

conhuntamente cu Esther Baaij, Gerente Senior, ambos
trahando cu Deloitte Human Capital Consultancy, Learning
& Assessments, a ofrece un atardi informativo na Surfside
Marina, compartiendo informacion tocante e tendencianan
global y local den capital humano cu ehecutivonan local y
profesionalnan di recurso humano.

Mas di 7000 lider di negoshi y profesional di recursonan
humano na 130 pais, incluyendo Caribe Hulandes, a
participa den Deloitte su Encuesta Global di Tendencianan
Humano. Esaki a haci e encuesta aki un di e estudionan
global mas grandi di talento, liderasgo y retonan di
recursonan humano.

Un variedad di compania local bon estableci a wordo
representa na e ocasion aki.
E invitadonan tambe a disfruta di un ora social cu cocktails
mientras cu e solo tabata bahando rib’e gazebo, na final di
e programa.

Orador Marina Kooijmans a elabora rib’e tendencianan
internacional di recursonan humano cu ta enfoca e. o. riba
Diseño Organisatorio, Cultura di Compania, Envolvimento,
Liderasgo, Pensamento riba Diseño, Siñamento, e Economia
y Recursonan Humano, identificando e 5 tendencianan
principal den Caribe Hulandes como Diseño Organisatorio,
Cultura di Compania, Liderasgo, Siñamento y Recursonan
Humano.

E sesion a wordo diseña pa provee informacion balioso den
tendencianan global y local di Capital Humano, areanan cu
falta atencion, retonan y desaroyonan, cu un oportunidad
adicional pa networking como parti di e experiencia.

E Deloitte Academy awo ta ofrece cursonan habri cu un
variedad di programa, tayer y les maestro p’esnan interesa
den aumento nan conocemento y experticio. Tur sesion ta
facilita den e sala di directiva di Deloitte Dutch Caribbean,
den gruponan di profesionalnan similar.
Deloitte tambe ta ofrece sesionnan in-house specialmente
diseña, tayernan y lesnan maestro tocante solucionnan di
siñamento cu ta crea specialmente pa pas cu e organisacion
di e cliente y su necesidadnan specifico.