Page 7 - awem

AWEMainta Dialuna, 11 April 2016 7

Parlamentario sr. Jeffrey Kelly:

Despues di mas cu
40 aña Colegio San
Antonio a conoce un
renobacion complete

DIABIERNA atardi Colegio San Antonio Mavo a celebra su

re-apertura. Parlamentarionan Kelly y Herdé tabata presente pa
admira e joya di edificio cu a ser presenta despues cu trabounan
di renobacion a keda cla.
Nos por corda cu Colegio San Antonio a haci uso di edificio di
Centro di Bario Dakota pa mas o menos tres aña.
Awe tanto alumno como maestronan ta celebra e hecho cu nan
a muda bek pa nan scol completamente renoba.

RENOBACION
E proyecto aki ta un di e tantisimo proyectonan di
renobacion cu Ministerio di Enseñansa ta ehecutando
pa drecha infrastructura di nos scolnan rond di Aruba
pa alumno y maestronan por haya y duna les den un
ambiente mas agradabel. Parlamentarionan hunto cu
demas invitadonan a haya un “rondleiding” cu tabata
na encargo di alumnonan di 3e cu 4e klas y por a
admira tur e localnan cu a wordo renoba y construi,
incluyendo un gymzaal completamente nobo.
E proyecto di renobacion di Colegio San Antonio Mavo
ta un inversion di mas o menos 6.6 miyon florin.

PROYECTONAN PENDIENTE
E siguiente proyecto di renobacion cu ta programa
pa keda completa den e lunanan cu ta bin ta esun di
Colegio San Augustin Mavo.
E proyecto aki ta programa pa keda cla pa aña escolar
nobo. Parlamentario Kelly ta splica cu despues di mas
cu 70 aña e scol aki tambe a conoce un renobacion
completo. Actualmente tin diferente proyecto di
renobacion tumando lugar.
Siman pasa a wordo anuncia cu Arco Iris kleuterschool
ta uni su mes n’e lista di scolnan cu ta wordo renoba.

Parlamentario Kelly ta manda palabranan di pabien na
tur alumno, maestro y directiva di Colegio San Antonio,
sr. Mario Tromp y sra. Ingrid Nicolaas kendenan awor
por gosa di un scol comletamente renoba.