Page 10 - awem
P. 10
10 AWEMainta Dialuna, 11 April 2016
Di acuerdo cu Rene Herde’:
Infrastructura
ta un factor
importante
pa nos tur
“INFRASTRUCTURA di cayanan, di scolnan, hospital
y complehonan pa deporte, barionan di bibienda,
wafnan y aeropuerto, edificionan pa duna servicio na
pueblo.Tur esaki y mas ta e infrastructura di nos pais.
Pa hopi aña e infrastructura di nos pais a keda sin haya
e inversion y renobacion cu e merece.
Consecuencia tabata cu nan a bay masha atras, deteriora
y no tabata adecuado mas.
Mucho poco scol a haya e mantencion cu nan mester pa
sirbi nan meta. Edificionan di Gobierno a bira ruina. Nos
ciudadnan, specialmente San Nicolas a cay hopi atras.
Centro di Playa a bira un area di drogadicto mahos.
Mescos a sosode cu nos barionan.
Nos hospital ya tin mas di 40 aña cu e no a haya e
mantencion y renobacion cu un hospital tin mester pa
por sirbi como luga pa cuida y yuda hende malo bira bon.
Nos cayanan a haya “recap”, pero e cantidad di auto
na Aruba ta sigui crece asina lihe, cu specialmente e
camindanan grandi no ta capacita mas of tin e calidad
pa sigura un fluho di trafico eficiente y sigur”, di acuerdo
cu Rene Herde’.
