Page 13 - Extra

Djamars 8 Mart 2016 13

DROGA I ARTIKULO PROSEDENTE
DI LADRONISIA KONFISKA

WILLEMSTAD.- Ayera
atardi un tim di polis huntu
ku sosten di Tim di Aresto
a efektuá un entrada
hudisial na un kas den Kaya
Amatista. Di akuerdo ku e
informashon ku a risibí, polis
a bai buska un òf mas suheto
ku ta envolví den un seri di
kaso di ladronisia i otro
delitonan kometé. Durante
di e entrada hudisial polis
no a topa ku niun habitante
den e kas.

Esaki no a impedí ku
a listra di forma rigoroso
den e kas. Durante di e
listramentu polis a haña
i konfiská entre otro,
vários mata di mariwana i
diferente artefakto manera
laptop, hèrmènt, bui i tambe
bulletproof vest.

Aparentemente ta riba
kos ilegal so ta drai den e
kas aki, pasó polis a deskubrí
hòrtamentu di koriente
tambe. A pone Aqualectra
na altura i inmediatamente
a manda un tékniko pa
deskonektá e koriente. Komo
ku no a haña niun habitante
di e kas, e kaso ta sigui bou
di investigashon.