Page 22 - KPA 21 SEPT 2015

6 AWEMainta Dialuna, 21 September 2015

“It takes a village to raise a child”

Cuerpo Policial ta
“adopta” muchanan
di Imeldahof

Cu proyecto “My Brother’s Keeper”

TIN un dicho hopi bieu cu ta bisa “It takes a village to raise

a child”.
Den spirito di e dicho aki y inspira p’e programa “My Broth-
er’s Keeper” cu ta existi pa algun tempo caba den diferente
Cuerpo di Polis na Merca, Cuerpo Policial di Aruba a dicidi
di simbolicamente “adopta” e muchanan di Imeldahof.
E programa ta hopi amplio di caracter y ta encera un con-
tacto hopi estrecho cu e muchanan personalmente, cu ta
inclui presentacionnan, momentonan cu agentenan policial
ta bishita nan pa comparti un momento cu nan y duna nan
conseho, pero tambe bishitanan na scol y combersacionnan
cu nan docentenan pa sigui nan progreso y desaroyo.

Vocero di Cuerpo Policial, Lito Lacle y hunto cu Liliana Ras-
mijn ta entre e Polisnan cu a lansa e proyecto aki seis luna
pasa pa brinda guia, participa na nan educacion y motiva nan
pa haci e miho decisionnan, scoge e bon caminda y realisa
nan soñonan. Claro esey a bay hunto cu un grupo di otro
Polisnan di varios departamento cu mesora a mustra interes
pa participa den e proyecto social aki.

Imeldahof ta hopi contento cu e bunita partnership aki. Mau-
rits Dijkhoff ta un groepsleider pa 18 aña caba na Imeldahof
y a expresa cu e ta contento di por t’e persona di contacto
pa cu e programa aki.
El a splica cu e muchanan a haya hopi presentacion caba,
entre otro di ambulance y un hoben artista di teatro y arte y
esun aki cu Arumil ta sigur entre esunnan mas impactante.
Tin algun mucha cu a expresa cu nan kier bira marinier
tambe, el a agrega.

Maurits Dijkhoff a bisa cu tur mucha cu ta biba na Imeldahof
ta bay scol. Hopi a pasa den experiencianan hopi traumatico
y tin ora esey ta influencia nan comportacion.
Mester papia cu nan hopi pa haci nan best na scol, pa yuda
nan keda rib’e bon caminda y Imeldahof ta contento di tin
polis como un steun extra den esaki. Tambe e presenta-
cionnan ta yuda hopi como cu e hobennan ta wak ehemp-
elnan di con nan por desaroya positivo rib’un cantidad di
diferente nivel y tin un bon futuro.

Den cuadro di e proyecto aki, Moises Henriquez, kende ta
Luitenant di Arumil, hunto cu entre otro un participante n’e
programa Sociale Vormingstrayect, a bishita e muchanan.