Page 23 - KPA 21 SEPT 2015
P. 23
AWEMainta Dialuna, 21 September 2015 7
Henriquez a expresa cu Arumil ta hopi consciente di con
importante e ta p’e muchanan haya un guia for di mas hoben
posibel pa nan bay y keda tambe rib’e bon caminda. Mas
jong bo cuminsa miho, el a subraya.
Ta bon pa mustra nan for di ora cu nan ta chikito e ehempel
di personanan cu ta bay bon den nan bida y tambe di per-
sonanan cu a haci cambionan den nan bida pa mehora nan
bida. Poniendo un enfasis rib’e inspiracion pa keda riba bon
caminda of cambia pa ta rib’e bon caminda, un di e hoben-
nan cu ta participa n’e programa Sociale Vormingstrayect
tambe a tene un presentacion pa e muchanan.
Nan a papia cu e muchanan tocante disciplina, respet pa nan
mes y pa otronan, con ta expresa nan mes cu respet, bon
custumbernan manera contesta cu respet, yega na tempo y
scucha di bo hefe.
E presentacion no tabata solamente basa riba educacion,
pero a contene un parti cu e muchanan a keda fascina cune,
esta e trabao di Marinier mes, su training, kico e ta come ora
e ta campando den mondi, ki ekipo tin den nan tas (“uitrust-
ing”), y con pa camufla nan curpa den mondi.
Lito Lacle a splica cu e proyecto aki algo cu e agentenan
di polis ta haci di nan curason. No solamente nan t’ey p’e
muchanan na Imeldahof y ta organisa presentacionnan, pero
nan ta bishita nan scol tambe.
Durante di e bishita na scol nan ta sigui e progreso di e
muchanan y ta papia cu e docentenan tocante di nan presta-
cion na scol y nan comportacion.
Tambe, si tin cualkier incidente cu e mucha na scol, nan ta
bishita e scol pa yuda maneha e situacion. Esaki t’e trabao di
un Big Brother y Big Sister. Ta cu hopi placer e miembronan
di Cuerpo Policial ta haci di nan parti pa brinda e muchanan
e miho oportunidadnan y instrumentonan y e un “steuntje
in de rug” pa nan por para mas fuerte den nan sapato.
Cuerpo Policial kier, cu tempo, expande rib’e proyecto aki,
cu awo ta inclui 31 mucha. Esaki ta un di ehempelnan bibo
unda cu Polis ta contribui n’e desaroyo di e comunidad y
sociedad di Aruba, asina poniendo nan mes y nan uniform,
esta nan posicion den comunidad, na disposicion di nos
hobennan vulnerabel.
