Page 33 - MIN SJA 19 SEPT 2015

PAGINA 36 DIARIO
Caya, caminda, highway, caretera, zebrapad y
vliegpad na Aruba
Den e columna di ayera mi a yega te na bahamento di caminda
, drenta take away pa come o bebe algo, pa laga taxi of autobus
pasa riba caminda grandi. Esaki pasobra bo no sa na ki banda di
bo auto nan lo pasa bo.
Tambe mi a menciona di e chauffeurnan cu autonan caha di suafel
cu tin cu parkeer den un espacio pa bus grandi, y cu ta bay di-
lanti y patras, dal den e auto su dilanti of patras di dje, y reclama
despues cu ta e doñonan a parkeer robez.
Riba e topico di parkeer mi kier cuminza awe.
Ora ta trata di parkeer, na Aruba tin 3 manera di parkeer. “Yega,
para y bandona .”
Durante ultimo campaña di limpieza kitando autonan bieu riba
caminda, hopi hende a haya falta di nan auto. Ciudadanonan a
acusa Serlimar/DOW di a bay cu nan auto.
Pero no ta bay Serlimar a bay cu nan auto, ta nan a bandona e
auto dilanti cas di hende.
Doñonan di auto ta yega, para y bandona auto dilanti porta di nan
cas of dilanti cas di nan bisiña.
E autonan ta keda para lunanan largo, zak den nan 4 tirenan, te cu
bichi ta cuminza come e rimnan.
Si a bay cu nan, ta pasobra nan a yega, para y keda bandona.
Ora bo haya filanan largo di auto tras di otro den tur caya, di tur
bario, no drenta panico.
Por ta cu un actividad di carnaval ta tuma lugar den vecindario,
of ta un parada di autonan clasico y cu motor di un of mas a faya,
of........ por ta cu ta un partido politico ta pegando bandera na cura
of cas di hende sin nan autorizacion den e cayanan. Ni polis ta
necesario pa dirigi trafico.
Tin suficiente guardaespalda pa defende shon politico contra kico
cu ta, hasta dispuesto pa gaña y pa muri pa su candidato, cu
despues di eleccion ta lagu’e na caya.
Precausion tambe mester tin na momento di mira bus-
nan grandi.
Anochi, acerca tur bus den cual tin cantamento, tocamento y baila-
mento, cu masha cuidao.
Si no haci esaki, bo por wordo gedal pa un boter di cervez, di rom,
whisky, champaña barata Jello shot of vodka.
Si no ta cu boter, bo por wordo lesiona cu un tayo di carton yena
cu pan bati, funchi cu bonchi, of stoba, si ta trata di arubianonan
fiestando.
Di turistanan den bus, bo por wordo hasta herida cu un brasiere
tira for di bus of un carson di abao di un di e damanan.
Mester menciona aki tambe e cuestion di vehiculonan cu ta
yegando cerca...
Si bo ta bay pabao y un auto ta bin pariba y cu abo ta strobando
trafico den bo careda, no para.
Primi trot.. Si bo yega prome bo ta pasa prome.
Ta conoci cu na Aruba no tin preferencia mas desde cu huez a
bisa un chofer cu e tabata tin preferencia sinembargo mester a
DIASABRA 19 SEPTEMBER 2015
para y laga esun cu a cruza su dilanti pasa, na lugar di dal den
otro.
Despues di esey, e preferencia cu bo tin ta di benta auto afo cum-
pra nobo.
Pues corda bon.. esun cu yega prome ta pasa prome.
Den asunto di pasa otro tambe tin su codigo.
Esun cu rabia mas hopi ta pasa e otro prome.
E prome les pa esaki ta: Nunca pasa solamente un auto, esey no
ta algo cu un bon chofer ta haci.
Trata na pasa un rij di auto, 10 of 20 den un salida. Semper trata
di pasa cantidad di auto unda tin un birada. Aki tin mas tanto espa-
cio pa bo maniobra.
Un biaha mas.... Esun cu rabia prome, ta pasa prome.
Tocante e cuestion di luz cu ta cende paga...
Si bo ta bay direccion San Nicolas y bo ta mira luznan ta cende
paga biniendo pabao, esaki kiermeen solamente un cos. E chofer
ey, cu preferencia of sin preferencia ta bin cu hopi velocidad y no
ta para pa nada. Esey kiermeen cu abo tin cu dicidi si bo ta en-
trega bo preferencia of no.
Sinembargo, tin ora nan ta cende y paga luz, ora nan kier pa abo
pasa.
Esey kiermeen cu ta abo tin cu dicidi si e kier pa bo sigui of pa bo
para. Ta esey ta haci cu stuurmento di auto ta masha exitante na
Aruba.
Awor...... riba e cuestion di duna señal cu man, tin cu menciona cu
esaki mester wordo elimina por completo. Den tempo moderno aki
no tin mucho hende mas cu ta duna señal cu man.
Ta solamente si nan luznan di señal no ta funciona.
Awendia trafico ta asina rapido cu si bo saca man pa duna señal,
bo man ta yega unda bo ta bay prome cu bo yega.
Awor si bo kier sa unda e taxista of chofer di autobus ta bay,
nunca bira cara pa mira e taxista of chofer di autobus. Wak e
caranan spanta di su pasaheronan. E wowonan ta dirigi hancho
habri pa e direccion cu nan ta bay . E ora ey bo sa unda e taxi of
autobus ta bay.
E otro advertencianan pa chauffeurnan
Awor....... ora bo mira un buraco grandi riba caminda cu yen di luz
rond di dje, esaki no ta Pasco ni Dia di Himno y Bandera. Esaki
kiermeen cu e buraco ta peligroso y bo por perde bo bida.
Si bo mira un buraco grandi y no tin luz rond di dje, esey tambe
kiermeen peliger y cu bo por perde bo bida.
Pero no preocupabo pasobra masha lihe bo ta ripara kico ta kico.
Si bo ta core tras di un truck, pickup of trailer yena cu palo; su-
shedad di mondi of di lugar di construccion; matras; machine bieu
di laba paña of otro machine bieu, y cu patras di e truck, trailer o
pickup tin un pida palo cu un paña cora na dje, esaki kiermeen cu
tin peliger.
E paña cora por ta un carson di abao di hende muher, un brasi-
erre, of un shimis cora. Obedece esaki !
Sigui lesa pag. 37