Page 6 - MIN ON

Evita Thode Sesion di informacion di Embahada a haci
studia na Canada ainda mas atractivo

Wednesday, 24 February 2016 18:44
Comparti

Evita Thode, kende ta cabando Colegio Arubano, no a dicidi ainda unda e ta bay studia, ni tampoco kico
exactamente su futuro carera lo ta.
Loke si el a dicidi, basa riba su uzo diario y cu mas frecuencia di e idioma Ingles, ta cu e kier un estudio
na idioma aki, sea ta na Merca, Canada of Hulanda.
El a dicidi pa atende e presentacion ofreci pa Ministerio di Enseñansa y e Embahada Canades na Caracas,
Venezuela pensando prome cu nan lo ta presentando e scolnan cu Minister Hooyboer-Winklaar a logra
un acuerdo cun'e y e scol cu e mandatario mes a bay. E presentacion a resulta di ta tocante di
informacion general, con pa aplica pa drenta scolnan, kico ta e opcionnan pa un studiante internacional,
etc.
E impresion total cu e representantenan di e embahada a duna di e bida di un studiante na Canada a
haci'e un pais ainda mas atractivo pa studia, segun Evita Thode. El a agrega cu aspectonan manera prijs,
limpiesa, siguridad y e comunidad multicultural ta "pluspunten" cu lo hunga un rol riba su lista di
prioridadnan na momento di haci su escogencia final.

http://www.24ora.com/local-mainmenu-5/105643-evita-thode-sesion-di-informacion-di-embahada-a-
haci-studia-na-canada-ainda-mas-atractivo