Page 7 - MIN ON

Minister Michelle Hooyboer-Winklaar decepciona den
director di EPI riba e trato na Unit Managernan

Wednesday, 24 February 2016 21:10
Tweet
Comparti

Mas of menos fin di siman pasa, a compronde for di Simar y tambe for di e director di DPS, kende a trece
padilanti cu tabata tin un carta cu a bay den direccion di e Unit Managernan riba un welga cu a dura 2
ora di tempo, e siman prome cu esey, unda cu e managernan a protesta loke nan ta yama nan
“Unfinished Business”, cu ta diferente peticion riba toelage, vordering, periodiek, cu pa nan, nan ta wak
cu nan tin derecho riba dje.

Ta papiando aki di casonan data di 10 aña pasa, unda a bin cu un proposicion final na September 2015,
caminda un parti di dje nan a bay di acuerdo cune. Un otro parti a bisa cu nan no ta acepta y te eynan a
yega.

A sigui cu e pasonan pa ehecuta loke nan a acepta si y voor de rest no a tende nan decision riba e otro
parti. Mas cu claro tin e opcion di hiba e asunto corte. Esey ta derecho di tur hende y ta wardando pa wak
kico ta e otro partinan.

Gobierno su posicion ta, cual ta un oferta final, a base di nos ley y reglanan, mas cu esey no lo bin for di
nan parti y ta wardando pa wak kico ta e asunto eynan.

Tin un otro parti ta mas bien riba e aspecto di futuro. E organisacion mes. E structura, kico tur ta bay
wordo haci. Ta actualmente ta bezig cu e functiehuis, cual ta e restructuracion di salario, di tur maestro
di scol, cabesante, tur hende cu ta forma parti di enseñansa, esey ta andando y nan ta forma parti di esey,
den nan rechtspositie actual, esey ta inclui tambe y e parti eynan ainda no a wordo finalisa. No por duna
nan un decision of uitspraak riba e parti eynan. Tin cu warda un rato mas, pasobra ta premira cu lo ta
den ehecucion pa Augustus di e aña aki.

Den tur esaki a sali afo cu atrobe ta nan derecho, a pase via Simar, cu ta derecho di tur personal cu ta
forma parti di sindicato, e ora e director a manda un carta pa e unit managernan cu e tin deseo di kita e
dos oranan for di nan salario. Na mesun momento pa duna un waarschuwing cu nan a sali for di pia di
trabao pa welga, esey no ta den su concepto, cual no ta corecto.

Na prome luga, e minister no ta sostene e posicion eynan pasobra e ta un derecho di trahado pa haci
esaki. Nunca no kier kita for di ningun hende. Tin reglanan con pa haci’e. tin biaha lo tin
consecuencianan sigur si haci’e cu no ta cumpliendo cu tur rekisito, por tin consecuencia riba parti di
salario. Pero un biaha ma, tur esakinan ta algo cu lo mester tin un conseho via DPS y aprobacion di
minister. Pero den e caso aki director no a haci esey. E no a sigui pasonan ey, pero manda un carta
directo pa e unit managernan cu un tono menasante, cual e minister a desaproba.