Page 12 - MIN ON

Minister Michelle Hooyboer-Winklaar Un total di 250 miyon
florin ta rekeri pa renoba tur scol na Aruba

Wednesday, 24 February 2016 21:04
Comparti

Un di e retonan di mas grandi cu ta enfrenta pa loke ta e parti di infrastructura di e scolnan, caminda cu
mayoria di nan ta wordo reconstrui den e temporada aki, cual ta añanan 50 pa 80, caminda cu tin cu
inverti aden den hopi di e scolnan aki.

A haci hopi den pasado, papiando solamente esun cu tin awo den pipeline, manera Prinses Amalia,
Colegio San Nicolas, Arco Iris, St. Augustinus cu ta den keda cla, pa menciona algun, esey solamente riba
su mes, pa e scolnan ey ta 23 miyon florin cu a haci uzo di dje via fondonan disponibel di FDA. Pero e
reto ta hopi mas grandi y loke mester pa por cumpli cu tur e deseonan pa e renobacionnan di scol cu tin
aki na Aruba. Ta papiando di alrededor di 250 miyon florin. Esey ta un di e aspectonan unda cu ainda
kibrando cabes kico por haci pa haci’e posibel. Kico ta e opcionnan pa financiamento. Tin un cantidad di
scol cu tin bestek cla, tin renobacionnan cu tin cu tuma luga, manera Beatrix school,Rosa College. Pero e
fondonan ainda no tin claridad riba e aspecto di FDA. Kico tin ainda disponibel. Cuanto di esey por
wordo aloca pa enseñansa, pa e parti di infrastructura, cu ta denman di Prome Minister, cu tin como
topico pa papia, hunto cu Hulanda. Eynan ta caminda e bottleneck ta sinta riba alocacion di e fondonan
ey. Hooyboer ta lobby di su banda cu mas hopi fondo por wordo aloca den esaki. Un biaha mas, sin un
caminda adecua pa nos enseñansa, hopi di e retonan cu ta enfrenta den otro aspecto di enseñansa toch ta
wordo maximalisa door di falta di infrastructura adecua y esey ta loke ta boga p’e. Lo sigui traha den
cualkier forma disponibel, pero sigur cu un bista di kico por haci atrobe pa por expande riba esey, haci’e
via otro financiamento si e ta posibel pa por yega na tur scol pa keda cla den loke nan tin cu haya.

Plan di mantencion ta importante, pero e ta complica a base di kico ta mantencion chikito, kico ta
mantencion grandi. Mantencion chikito hopi biaha ta cosnan cu scolnan mes por haci. Directivanan di
scol ta haya esaki di e subsidie cu nan ta haya, cu ta pa mantencion. Hopi biaha ta haci uzo di e fondonan
aki pa otro cos. Por tin rasonnan pa haci esaki. Kico ta pasa cu e mantencion chikito ta bira un
mantencion pasobra no a pak e aan di biaha. Pesey kier sinta cu e directivanan di scol pa yega na un
areglo kico ta e cosnan cu nan tin cu cumpli cune, sigur pa scolnan cu ya caba a haya nan renobacion, ta
mas facil pa keda on top di dje. Esey ta un comberscion ya caba cu a tum luga, pero lo sigui cu e
combersacionnan ey pa mira si e suma ta suficiente. Kico mester pa ta sigur pone placanan disponibel y
necesario pa no haya un situacion unda cu ta wak aki 20 aña, ta bolbe pasa door di e lista atrobe, e
mandatario a conclui.

http://www.24ora.com/politica-mainmenu-18/105660-minister-michelle-hooyboer-winklaar-un-total-
di-250-miyon-florin-ta-rekeri-pa-renoba-tur-scol-na-aruba