Page 13 - MIN ON

Ta premira cu Arco Iris Kleuterschool lo habri bek pa fin di
September 2016

Wednesday, 24 February 2016 21:00
Tweet
Comparti

Minister Michelle Hooyboer-Winklaar, encarga cu enseñansa, tabata na Arco Iris Kleuterschool. E scol ta
pasando den un fase di renobacion y e mandataro a bay tira un bista.

Esaki ta un scol cu sigur tabata tin un retonan den e añanan net nos tras, mirando cu ta basta tempo a
warda pa por wak e inicio di e trabaonan aki. Tin diferente factor pakico a tarda asina hopi. Entre otro
fondonan cu mester a bin disponibel via FDA. E proceso cu ta encera via FDA. E hecho cu tabata tin
plannan pa toch pone e scol aki, conhuntamente cu Prinses Amalia na cierto momento, unda lo tabata tin
loke ta yama un scol primario, den e sentido cu tin un kleuter y despues un basis. Pero a evalua tur
esakinan, a sinta hunto cu e team di Arco Iris y a desea di keda cu e scol aki, mirando nan historia na e
scol. Tambe e hecho cu e scol aki a haci un tremendo trabao den e ultimo añanan, apesar di e situacion cu
nan tabata aden, nan a keda hopi uni como un team. Mayornan ta contento cu e ekipo aki y a bisa cu lo
gunnan esaki, e ora ey cambia e plannan atrobe y bin bek na e plan original, aunke un tiki adapta, unda
cu por a pone un tiki mas fondo aden. Inicialmente tabata pa cambia solamente algun cos. E dak,
bentananan, algun kolom cu tambe a faya. E ora a bisa si ta bay haci esaki, e ora haci’e completo. E ora a
pone disponibel 2.3 miyon florin pa e renobacion aki, cu ta encera loke por a wak atrobe murayanan
nobo. Practicamente un scol traha di nobo, rond di e skelet cu tin actual y cu adaptacion pa haci’e hopi
mas moderno paden. Den e sentido cu tin awo e parti di bekabeling pa data, pa cualkier tipo di material
cu necesidad di WIFI. Tambe tin accesibilidad, mirando cu ta wak cu den e populacion di studiantenan,
no ta tur tin e mesun habilidadnan. Hopi biaha ta wak muchanan cu tin diferente reto fisico y e ora ey a
adapta full e bañonan, cosnan pa yuda e muchanan den tipo di necesidadnan asina.

Gobierno ta contento cu e compania cu ta trahando hopi rapido riba e trabao. Ta premira cu e trabaonan
ta keda cla pa September, si por haci esaki un tiki mas tempran, e ora pa habri e aña escolar aki. Esey ta
algo cu ta desea y kier traha hunto cu e team pa haci esey posibel. Y si no ta posibel, e ora muda e scol bek
pa fin di September.

Actualmente e muchanan ta na Dakota Shopping Paradise. Tabata tin decisionnan tuma, cu eynan tabata
caminda cu por a ubica e muchanan. A haci hopi adaptacion na e luga, pa por acomoda nan y haci
diferente cambio pa haci’e un tiki mas manera un scol. Aunke cu nunca por haci’e full manera un scol
mester ta y esey sigur a trece cune cu mester a minimalisa e cantidad di studiantenan cu ta forma parti di
e scol, mirando cu simplemente no tabata tin e mesun espacio. E klasnan tabata hopi mas chikito, esey
tabata tin su efectonan riba dje. Mirando awo cu ta bin bek den un edificio completamente grandi y
renoba, ta premira un crecemento di poblacion di studiante cu mas cu un 120 studiante, cu lo por ta
ubica eynan.

E docentenan ta hunga un rol den e proceso. Por wak di experiencia den añanan pasa, cu renobacionnan
a wordo haci, sin envolvimento di of e directie di e scol, of maestronan di e scol. Hopi biaha ta trece un