Page 11 - MIN ON

Minister Michelle Hooyboer-Winklaar Un scol sin un rector
ta un boto sin capitan

Wednesday, 24 February 2016 21:24
Tweet
Comparti

Gobierno a sinta cu directiva di SMOA, pa papia di e ausencia di e rector actual. a comunica cu minister,
pasobra ta debi na un kebrante di salud y e ta cu AO. Mas detaye no por a haya na e momento aki.

Segun minister di enseñansa, Michelle Hooyboer-Winklaar, si a bisa cu nan tin comunicacion cune, pero
nan no sa si esaki lo bay dura pa un tempo mas cortico of largo y esey ta algo cu sigur tin preocupacion di
e minister, mirando cu un scol sin un rector ta un boto sin capitan. Aunke cu awor tin un plan na luga
caminda cu tin esnan cu ta forma parti di e conrectorado, un managementteam pa e scol. Pero esaki un
biaha mas cu ta temporario. Mester bay yega na un palabracion pa loke ta trata un solucion a largo plazo.
Kico ta bay haci cu e scol. Segun e minister ta un tiki fastioso den sentido cu e no ta cay directamente bao
di gobierno. Kiermen cu minister no tin tur pa bisa eynan, aunke ta bisa cu si tin hopi pa bisa, vooral ora
tin situacionnan unda tin preocupacion pa loke ta trata desaroyo di e scol y e prestacion di e muchanan.
Ta wak cu fin di aña escolar ta yegando. Kier sigura cu tur cos ta in place pa e gran mayoria di e
studiantenan aki ta exitoso y esey ta rekeri sigur un aanpak hopi amplio di e parti di e rectorado, den e
caso aki conrectornan y mas cu claro e directora di e scol cu tin cu asumi un responsabilidad pa sigura cu
scol ta bayendo den un bon direccion.

A keda palabra cu lo bin bek un biaha mas, manera cu nan tin mas informacion riba esaki, pa wak un ke
otro si esaki ta dura largo, pa wak kico ta e otro opcionnn cu ta existi pa loke ta trata e parti di e liderasgo
di e scol aki, e minister a splica.

http://www.24ora.com/politica-mainmenu-18/105669-minister-michelle-hooyboer-winklaar-un-scol-
sin-un-rector-ta-un-boto-sin-capitan