Page 15 - MIN ON

Studiantenan na Palabra Ricardo Jauregui a scoge pa Seneca
College, Canada

Wednesday, 24 February 2016 21:08
Tweet
Comparti

Pa Ricardo Jauregui e presentacion cu a tuma luga diamars tocante studiamento y e bida di studiante na
Canada ta uno hopi util, como cu e hoben a scoge caba cu e kier bay sigui cu un estudio superior na
Seneca College na Canada.

Actualmente e completando su ultimo aña na Colegio EPI, Unidad Economia, Administracion
Financiero. Loke e falta di caba ta su stage.
Ricardo a haya e informacion ricibi hopi bon, como cu e ta den proceso pa haci tur tramite pa por sigui su
estudio. E representantenan di e Embahada Canades na Caracas, Venezuela a splica tocante di detayenan
importante manera vivienda y e permiso di studiante, cual e studiantenan por pidi na e embahada na
Venezuela.
E hoben a splica cu e ta contento cu e enfoke awendia di parti Enseñansa no ta principalmente mas riba
estudionan na Hulanda, pero tambe ta inclui Canada y Merca den diferente sesion di informacion dedica.
Ricardo Jauregui a bisa cu loke e falta pa completa su aplicacion ta e traducion di su raportnan
(transcripts) y asina cu e wordo acepta pa Seneca College e lo ta aplicando pa su permiso di studiante.
E informacion cu el a ricibi diamars lo yud'e hopi den su planning pa sigui avansa y traha riba su futuro
carera.

http://www.24ora.com/politica-mainmenu-18/105663-studiantenan-na-palabra-qricardo-jauregui-a-
scoge-pa-seneca-college-canadaq