Page 28 - FLIP ATA

Manaus tin hopi pa ofrece na e turista di Aruba, como tambe Aruba tin hopi pa ofrece e turista di Manaus. Esaki ta
segun e consulado di Brazil na Aruba, Carlos Andre Augusto, kende a splica cu hopi por wordo haci, mirando cu
Manaus ta mas cu un freezone y un hot spot pa ecoturismo.

E ta splica cu esey ta n punto positivo pa Aruba, mirando cu e region di Manaos ta un parti nort di Brazil, cu semper
tabata tin un poco mas di dificultad pa cuenta di vuelo. “Antes un persona di Manaos, cu tin n poder adkisitivo basta
bon, sa di biaha y sa di bay afo. Nan mester bay sea Sao Paolo of Rio de Janeiro. Awo cu e vuelo directo pa Aruba,
esaki ta sigur lo bay ta un destinacion top pa e poblacion di Manaos. Tin un publico potencial pa Aruba, di mas of
menos 2.5 persona. Si Aruba haya pida di e bolo ey, lo ta hopi bon, Augusto ta comenta.

Manaos ta un freezone, un area industrial basta conoci na Brazil y mayoria di empresa grandi di electronica,
mecanica, di construccion, e montadonan grandi di brazil, tin nan operacion na Manaos. Fabricanan tambe ta keda
na Manaos. Manaos ta wordo considera como un pulmon economico pa loke ta e sector di industria di Brazil.

E Arubiano por bay Manaos y por spera kico cu ta, pasobra tin hopi actividad eynan. Tin e parti di selva Amazonica,
e ciudad ta bon structura, tin tur cos di un ciudad grandi, cinema, shopping, shows, partinan cultural, cual ta hopi
bon na Manaos. Ta hopi cerca di e parti di interactividad cu e jungla. Personanan cu gusta cambia e ambiente y Sali
for di e lama y bin mas pa e parti di e selva di Amazonas mes, lo sinti nan mes na cas. Turismo Ecologico ta loke cu
Manaos tin pa ofrece.

E plan di Manaos/Aruba, ta un plan hopi cera cu ATA. Nan tin e oficina di turismo na Aruba y e director di e oficina
di ATA na Brazil, tin un bon relacion cu otro y ta yuda hopi pa e relacion entre e dos bandanan, tanto pa e turista di
Brazil bay Aruba y tambe faborece e turista di Aruba pa bay Manaos, facilitando e parti di hotel, di posada. Awor
aki ta un situacion bon pa Aruba bin pa Manaos, door cu e dollar ta hunga un rol, e ta halto y no lo sali caro pa e
Arubiano, e consul a finalisa.