Page 33 - FLIP ATA

SAC y SMAC no a uni si no a sinta na mesa y aclaria algun
cos

 Jan 16th, 2015
 Local

Diahuebs anochi a tuma lugar un reunion cu SAC a jama hunto cu SMAC pa papia riba algun eventonan cu mester
keda palabra pa cual aki sra Tecla Kelly cu ta presidente di SAC a splica pa kiko e reunion tabata.
A yama e reunion pa trece claridad den asunto unda Reinanan, Prins y Pancho elehi bou maneho di SAC por
participa den eventonan di SMAC. Aparentemente tabata sircula un carta cu SAC lo a saka y caminda nan lo ta duna
di conose cu tur reina, prins y pancho di carnaval no mag partisipa na actividadnan di SMAC. Sra. Kelly
enfaticamente a trese dilanti cu di parti di SAC nan no a saka tal carta pero mas aun cu e carta ey no ta existi. Y ta
netamente pa e motibo aki SAC a yama un reunion cu SMAC pa trese claridad riba e asunto aki.
Tecla Kelly Presidente di SAC a habri y guia e reunion, trece claridad mesora den asunto. A duna bendicion pa
Reinanan, Prins y Pancho participa den eventonan di SMAC. Directiva di SMAC a aprecia e gesto y gradici Tecla
Kelly pa e bon boluntad.
Sra. Kelly a subraya cu e reunion aki no a nifica cu SAC y SMAC a join. Esaki di ningun manera ta e caso.
For di un pricipio SAC a mustra disponibilidad pa traha huntu cu cualkier organisacion nobo. Ta Minister mes a
nenga e proposicion cu SAC a bini cu ne cu tabata entre otro 7 miembro di SAC den e organisacion nobo. Minister a
otorga e permiso na SMAC y SAC ta keda riba un low profile pero lo sigui traha pa carnaval di Aruba.
SAC ta duna e organisacion nobo SMAC e espacio y chens pa traha. Sra. Kelly a trese dilanti cu tur aña ku ela
organisa carnaval e sa cu no ta nada fasil.
Unico cos cu SAC tin pendiente pa ATA pa cumpli cu SAC pa nan caba rond af carnaval 60.

http://noticiacla.com/news/2089