Page 30 - FLIP ATA

Pa ATIA, Insel Air Aruba ta canando pasonan importante pa nan mes y Aruba pa cual aki Michel Henriquez
presidente di ATIA ta splica cu pa Aruba esaki ta importante. Brazil ta un pais hopi grandi cu hopi hende, cu hopi
potencial pa trece turista. No solamente esey, pero turismo di calidad pa Aruba. Hopi tempo caba tabata busca e
vuelo directo.

Di tempo di Air Aruba, esaki a bira e prome vuelo directo. Esaki ta un bon comienso y Henriquez ta spera cu
despues di esaki no solamente Manaos, por habri bay mas abao, yega Rio y Sao Paolo, Asina mes Manaos ta un
ciudad importante y turistico.

Insel Air, como cliente, Henriquez a menciona cu Atia ta sostene e aerolinea y nan ta creciendo conservativamente,
pero sano. Cada biaha ta mira rutanan nobo, bon pensa y creciendo poco poco pero bon y sigur. Como Aruba nos
mester ta orguyoso di esey.

Un Manaos cu tin 2.5 persona bibando aden y 10 miyon ta biba rond, si mira e vuelo inicial cu ta sold out, ta un bon
señal. Ta dos vuelo pa siman y ta un comienso. Lo bay wak pronto, e interes den e vuelonan, si en caso mester busca
un avion mas grandi. Ta un comienso, segun Henriquez y esey ta loke Insel Air ta haci bon. Nan ta fula tera y poco
poco nan ta crece cu ne. No bay all out y despues no por want’e economicamente.

E potencial den e vuelonan ta grandi. No mester wak Manaos so. Mester wak e resto di Brazil. Hopi biaha ora pensa
Brazil, y pensa riba un pais chikito. E ta tamaño di Merca, e distancia ta largo. Si trek e liña di Sao Paolo pa Aruba,
Manaos ta net mey. E ta un hub potencial. Si Henriquez ta kere cu ta den plan di Aruba y diversifica e clase turistico
y esey ta camindanan pa bay.

Na Manaos, ta un zona industrial y comercial. Si bisa cu 10% tin placa, ta hopi hende y nan tambe kier bay
vacacion. Aruba ta un destinacion popular na Brazil y esaki ta e comienso no solamente di e vuelo, pero pa mas
destinacion, Henriquez a finalisa.