Page 46 - MIN.SOC JUNE 10
P. 46
22 AWEMainta Diaranson, 10 Juni 2015
Combinando Plataforma Cultural
Unoca a
presenta Song
Festival &
Huki di Buki
UNOCA, e fundacion cu ta stimula e bida cultural
di Aruba, a patrocina diadomingo ultimo e prome
Song Festival di cantica na Papiamento pa scolnan
preparatorio.
E festival aki a sobrepasa tur espectativa.
Mas di 2300 hende a presenta den Aruba Entertainment
Center pa apoya e 28 mucha cu a participa, representando
15 diferente scol.
Sashengka Kock y Deborah Valdez a logra conkista
e curason di publico y di e huradonan y a bira
ganadornan den e categoria di jongste y oudste kleuter
respectivamente.
UNOCA ta conoci den comunidad pa su contribucion na
proyectonan literario, financiando e publicacion di un
cantidad grandi di buki den Papiamento.
P’e ocacion aki a tuma e iniciativa pa combina 2
plataforma cultural, musica cu literatura. UNOCA tabata
presente den e Song Festival cu un Huki di Buki unda,
hunto cu Fundacion Bon Nochi Drumi Dushi, a promove
e amor pa Papiamento y e importancia di lesa buki, na
tur mucha presente.
UNOCA kier a felicita y gradici e team completo di KIDS,
organisadornan di e evento aki.
Pa mas informacion di e iniciativa aki y eventonan
cultural por bishita UNOCA ARUBA riba facebook.
