Page 51 - MIN.SOC JUNE 10
P. 51
Jan Hup a worde suspendi di Ling & Sons
Publication: Wednesday, 10 June 2015. Categoria: General
Decision a cay na Hulanda
ORANJESTAD (AAN): Ainda por corda e ola di reaccion cu e video scondi a produci den
comunidad, unda por a mira Jan Hup insulta empleadonan na un forma masha baho mes. Hasta
for di Curacao y Bonaire (unda antes e mesun persona tabata traha), a drenta reaccion, y
indicacion cu e tabata haci mesun cos tambe na e otro islanan.
Riba Diamars a drenta informacion, cu Jan Hup awor a keda suspendi.
“ Despues di un bon discusion cu sr. Jan Hup, awe mainta, nos a dicidi cu Jan Hup ta worde
suspendi di nos empresa,” segun Gerard van den Tweel a indica den un boletin. “Nos ta lamenta
lo sucedido.”
El a bisa: “Tanto nos, como gerencia y tambe Jan Hup, un biaha mas ta ofrece nos disculpa pa
loke a sosode.”
El a finaliza bisando: “Nos ta spera cu pronto tranquilidad lo bolbe back den nos tienda na
Aruba. Un decision pisa; como gerencia nos a haya nos mes obliga pa tuma tal decision.”
http://www.diario.aw/2015/06/jan-hup-a-worde-suspendi-di-ling-sons/
