Page 52 - MIN.SOC JUNE 10

Ling & Sons a confirma suspension di Jan
Hup

Posted on 06/10/2015 10:10 am AST | Updated on 06/10/2015 11:31 am AST

ORANJESTAD – No ta conoci pa cuanto tempo e ex gerente di Ling & Sons, Jan Hup lo
keda suspendi. Awe mainta director di Ling & Sons Richard Eman a confirma na
NoticiaCla.com cu dialuna ultimo durante un reunion entre e doño y Hup, y a dicidi cu e ta
keda suspendi por lo pronto. E tabata sinembargo un reunion hopi bon concuri, abierto,
unda cu mutuamente nan a dicidi cu ta miho pa Jan Hup wordo suspendi pa un tempo.
“Mi no a wordo notifica pa cuanto tempo” Eman a sigui bisa. E mes a ricibi un mensahe
hopi chikito cu a keda publica tambe.

FUTURO DI HUP

Pa clarificacion, e noticia cu si esaki ta nifica cu lo kita Hup proximamente, ta puro speculacion
segun Eman. E texto cu e tambe a haya (lesa e texto aki) , ta finalisa bisando cu Hup a keda
suspendi. “Kico exactamente ta bay pasa despues di esey, ami no sa”. Van der Tweel Group tin
masha hopi supermercado, y por bien ta cu lo traslada Hup pa un otro supermercado. “Mi ta
spera cu van den Tweel ta bin Aruba otro siman anto e ora nos tur por wak si e tin mas
informacion riba esaki” Eman a finalisa bisando.

KICO A PASA

Hup tabata envolvi algun tempo atras den un situacion basta ‘explosivo’ ora cu na mei e la habri
afo contra algun trahado despues cu e trahadonan a drenta den accion. “E homber a perde cabez”
ta e forma con e director di e supermercado Ling & Sons, Richard Eman, a describi actitud
recien di e gerente Jan Hup, ora cu e ultimo aki a actua contra algun trahado. Segun Eman, Hup a
bisa cosnan cu no mester a bisa. Hup, mientrastanto ta na Hulanda (e la bay for di momento di e
incidente 15 di mei) y no ta trahando aworaki. “E ta gescheduled pa reuni cu e doñonan, y eynan
nos lo tende kico ta bay ta su envolvemento cu nos ainda”. Eman no por a bisa si a suspende
Hup, pero lo tende esaki despues. NOTA: e foto di Jan Hub ta saca momento di e ultimo accion
di e trahadonan di Ling & Sons.