Page 50 - MIN.SOC JUNE 10

267 persona re-integra na trabou

Publication: Wednesday, 10 June 2015. Categoria: General
Minister Paul Croes:
Proyjecto Ban Traha exitoso

ORANJESTAD(AAN)– “Entre Januari 2014 pa Juni 2015 nos a logra re-integra 267 persona
riba e mercado laboral for di bijstand. E balor financiero di esaki ta alrededor di 2.6 miyon florin
menos cu gobierno mester paga na onderstand”, Minister Paul Croes a anuncia ayera.
Na inicio di Januari 2014 tabatin 2910 persona cu tabata cobra bijstand.
Na Juni 2015 e cantidad ta 2643 persona. Durante e siman aki directora di departamento di
Asuntonan Social a informa Minister Paul Croes cu a proyecto Ban Traha anuncia na inicio di
2014 ta dunando su frutonan.
“Mi meta ta pa apoya personanan cu por traha bek riba e mercado laboral cu un trabou digno. E
ta duna confiansa propio na e persona, dune un estabilidad financiero y tambe dune oportunidad
pa crece den su trabou. Esey ta e meta principal di e proyecto Ban Traha”, Minister Paul Croes a
bisa.
Na Januari 2014 presupuesto di Gobierno pa bijstand tabata casi 30 miyon florin. Poco poco esey
ta bayendo bahando. Cu e reduccion aki e reduccion ta yegando 3 miyon florin.
Minister Paul Croes ta contento cu e logro aki te awo, y ta gradici e team Ban Traha cu ta
departamento di asuntonan Social y Departamento Progreso Laboral (DPL) cu ta apoya e
personan bek na trabou. Un team dinamico cu ta hasiendo nan esfuerso pa apoya Arubianonan
bek na un empleo.
http://www.diario.aw/2015/06/267-persona-re-integra-na-trabou/