Page 54 - MIN.SOC JUNE 10

Ling & Sons: Negosacionan CAO bayendo
dificil

Posted on 06/10/2015 10:08 am AST | Updated on 06/10/2015 10:10 am AST

ORANJESTAD – E negoshacionnan di CAO pa Ling & Sons ta bayendo dificil. Mientras tin
consensus riba mayoria punto, partidonan ta pega riba algun punto manera salario y cobransa di e
contributie di trahadonan. Asina director di Ling & Sons Richard Eman a confirma na
NoticiaCla.com. E negoshacionnan lo continua awe tardi y ta spera cu partidonan por haya otro y
pa e siman aki of otro siman por keda cla pa firma.

CONTRIBUTIE

Riba e punto di contributie, Ling & Sons ta mira cu e no tin ningun beneficio pa e trahadonan. E
ta mas bien un beneficio pa FTA. Riba e salario, L&S a ofrece un aumento, conforme e
informacion di CBS (Centraal Bureau Statistiek) su analisis di aumento di gasto di aña pasa.
Riba esey, FTA ta exigiendo mas cu esey. Esey ta basicamente e punto di negoshacion.

TRANKILIDAD

Segun Eman ta importante pa e trahadonan haya nan trankilidad. Pero tanten cu no por haya otro,
lo e trahadonan keda den ‘scuridad’. “Nos ta ofreciendo loke nos por. Nos a bisa nan esey
duidelijk. Pero si e otro parti kier mas, e ta bira dificil pa nos” Eman a sigui bisa. E ta sigur cu
por sali afo, y ta bolbe reitera cu loke cu e trahadonan ta haya ey, dificilmente nan por haye otro
caminda. Ademas 95% di e trahadonan ta den ‘vaste dienst’ compara cu otro supermercadonan
unda cu tin hende ta traha riba base di contracto y salario minimo. “Nos comisionnan ta hopi
halto caba. Como tal mester bay trankilo pasobra nos mester por cargue tambe” Eman a finalisa
bisando.

http://www.noticiacla.com/news/3141