Page 31 - AWEMAINTA

Diaranson, 10 Januari 2018 AWEMainta 31

Tendencia

H&M ta pidi disculpa pa propaganda
señala di racista riba social media

UN potret publicitario di un mucha afroamerica-

no bisti cu un sueter cu e mensahe “coolest monkey
in the jungle” (e macaco di mas “cool” den selva)
a causa polemica riba social media y tabata sufici-
ente pa usuarionan acusa e marca di paña H&M,
di racismo.

E indignacion y molester tabata mas grandi paso-
bra riba e website di benta online, caminda dicho
potret a wordo publica, tabatin un otro imagen di
un mucha blanco cu un sueter cu similaridad pero
cu e mensahe “Mangrove Jungle Survival Expert”
(experto den supervivencia riba selva di Mangrove).
Pa algun, e diferencia den e conceptonan cu taba-
tin riba e muchanan cu tabata luci e modelonan di
sueter, tabata un hecho di racismo.

Debi na e cantidad di protestanan via Facebook y
Twitter, H&M a retira e imagennan for di nan web-
site y a ofrece disculpa na esnan cu por a wordo
ofendi. E sweater ta sigui na benta riba e catalogo
online, pero sin modelo.

“Nos ta compronde cu hopi hende ta rabia pa e
imagen di e mucha cu e sueter. Nos, esnan cu ta
traha na H&M, solamente por te den acuerdo cu e
sentimento aki.

Nos ta lamenta hopi cu e potret a wordo saca, y
tambe nos ta lamenta e impresion cu esaki a causa.
Por lo tanto, no solamente nos lo elimina e ima-
gen for di nos canalnan, sino cu tambe lo elimina e
paña for di nos productonan.

E ta obvio cu nos rutinanan no a haya e seguimento
apropia. No tin duda. Nos lo bay investiga e pro-
fundidad cu a ocasiona pa esaki sosode, cu e animo
di preveni cu e tipo di erornan aki pasa di nobo”.