Page 35 - MIN SJA 29 OCT 2015
P. 35
Djaweps 29 òktober 2015 5
...E kaso di mediashon
no ta pegá...
AAV AWE TA
ENTREGA
KONTESTA NA
MEDIADO
WILLEMSTAD.- Kontrali
na vershonnan ku ta
sirkulando indikando ku kos
a pega den e mediashon den
e konflikto entre Sindikato
General di Trahadónan
di Kòrsou i Asosiashon
di Kontratistanan mester
bisa ku debido progreso
den e proseso, partidonan
a palabrá un silensio
mediátiko pa redusí e
volatilidat ku tabatin den
e konflikto loke a duna
resultado pero di otro banda
alabes a habri kaminda pa
tur sorto di spekulashon i
rumor. Un dje rumornan aki
tabata bisa ku partidonan a
bai fo’i otro i ku den promé
siman di novèmber tin kaso
den korte loke tampoko ta
kuadra ku realidat.
Fuentenan bon vinkulá
ta bisa ku awe mediadó
speshal Randolph Gijsbertha
ta risibí e reakshon di
kontratistanan riba su
proposishon. Asosiashon
di Kontratistanan segun
mesun fuentenan a reuní
ekstensamente ku hendenan
di Refineria Isla djamars
kaminda a haña sierto
garantianan aparentemente.
E kontratistanan ku ta
traha riba Isla i na COT
seguidamente a bin huntu
pa fiha nan reakshon riba e
proposishon.
SGTK fo’i siman
pasá a reakshoná riba e
proposishon di mediadó
speshal i a pidi sierto
ahustenan den e dokumento,
ahustenan ku a hasi
entretantu. Ta intenshon
segun nos fuentenan pa
mediadó speshal sinta
otro siman ku e sindikato
i kontratistanan pa mira si
na mesa nan por haña otro i
firma un kontrato kolektivo
i kaba atendé e asuntu dje
prima di 6%.
