Page 74 - flip min.on

For di momento cu el a wordo yama den e klas “prome cos cu juffrouw a bisa mi ta “ami no kier
papia cu bo y ami no tin nada di bisa mi”. El a bisa mi for di awo dilanti si abo kier sa algo di bo
yiu bo tin cu bay na hoofd, e lo bin cerca mi, ami lo bay cerca dje, e lo laga bo sa. Mi no ta bay
papia cu bo mas!”
Croes a elabora: “El a bisa mi cu e no ta respeta mi. El a bisa mi cu mi ta mentiroso. El a bisa
mi hala di cos.” Junior tabata den e klas ta scucha tur esaki y naturalmente no a sinti nada bon.
Un rato despues Junior su mama a yega, pasobra e tambe mester a sali for di trabao, y e mesun
cos a sigui.
“E no tabata nada di bon y locual mi a haya straño no ta e topiconan tanto, pero manera cu e
tabata puntrando y atacando ami, atacando mi yiu. Y Junior tabata masha incomodo,” Charles
a subraya.
Charles Croes a sigui splica cu “mi no por a papia y el a sigui cu un hala di cosnan cu el a bisa,
nada bon ni den un tono bon, masha agresivo y por fin mi tabata wak e pasobra e tabata
bisando algo anto el a bisa mi “mi no kier bo wak mi!”, “mi no kier bo wak mi!”.” E tata ta conta
cu na e momento ey el a reacciona y bisa Juffrouw Suki “laga mi clarifica esaki, b’a yama mi
kinan pa mi t’akinan 1’or y 15 pasobra bo tin algo di bisa mi. Anto locual cu bo tin di bisa mi
prome cu nos cuminsa casi tur cos ta: mi no mag di papia den bo klas, bo no ta bay papia cu mi
y mi no mag di wak bo, pakico b’a yama mi? Settle down un tiki.”
Tabata na e punto ey cu Charles Croes a dicidi di saca e telefon di su saco y bisa e Juffrouw cu e
ta grabando e combersacion. Segun e tata ta conta, el a puntra hasta si cualkier hende no kier
wordo graba y Juffrouw Suki a bis’e cu e no ta worry cu esey y p’e “dal bay”.
E maestro a papia hopi duro cu Junior y a sigui y sigui y sigui riba un tono altera. “E no tabata
un encuentro bon,” Junior su tata a conclui.

http://www.24ora.com/local-mainmenu-5/93602-charles-croes-ta-tata-di-alumno-e-maestra-a-bisami-
cu-e-no-ta-respeta-mi

Tenista Arubano studiando na Houston ta “lock” e victoria
pa su Universidad

M onday, 30 March 2015 18:52
Comparti

E tenista hoben Arubano, Stephanie Marchena cu su triunfo na competencianan den e asina
yama Southland Conference a logra “lock”
e victoria pa e team di tennis di su universidad, Lamar University. Stephanie, kende ta un
freelancer cu 24ora.com, ta studiando na Houston, Texas, unda cu e ta hayando e oportunidad