Page 73 - flip min.on

Charles Croes ta tata di alumno: “E maestra a bisami cu e no
ta respeta mi”

M onday, 30 March 2015 21:32
Comparti

Palabranan di Juffrouw Suki di Scol Primario Kudawecha na Charles Croes, kende ta tata di su
alumno tabata un baño frieu pa e mayor cu a wordo yama pa un reunion y a haya su mes cu un
maestro cu a bis’e cu e no ta respet’e, cu e ta un mentiroso y un hala di otro cos den presencia
di su yiu. Ademas, e juffrouw a haci e yiu hopi pregunta na un forma rabia y sin pasenshi,
exigiendo contesta.
Na cierto momento y na varios ocacion den e combersacion e otro juffrouw presente, esta
Juffrouw Shomaira, kende Charles Croes a expresa di tin aprecio p’e, a comenta pa Juffrouw
Suki haci e preguntanan di un otro forma of mas trankilo, y hasta a puntra pakico Junior ta
presente mes den e combersacion. Juffrouw Suki a contesta cu Junior ta presente pasobra e ta
parti di e problema. E tata ta gradici Juffrouw Shomaira pa a trata di calma su colega na un
forma trankilo, local lastimamente no a logra.
Charles Croes a elabora tocante e sucedidonan na e scol di su yiu cu a conduci na un
investigacion di parti di Departamento di Enseñansa y schorsing di un maestro. Den un
entrevista el a splica con e reunion yama pa Juffrouw Suki a transcuri.
Tur cos a cuminsa na momento cu su yiu a conta na cas na varios ocacion cu e ta sinti cu e
juffrouw ta piki riba dje. Junior tabatin miedo di bay scol pasobra e tabata kere cu e juffrouw ta
piki riba dje. Croes no a pensa mucho riba e asunto aki, pero el a puntra toch na e señora di
administracion si e por a tende algo. “Rason cu a puntra esey ta pasobra Junior a keha pa basta
tempo y tambe m’a scuchele porfin di un otro persona na scol. Y nan ta haya jammer,” Charles
a bisa. Esaki a pasa un mainta cu Junior a lubida su shorts di gym y e tata a lag’e den e oficina
di scol p’e.
E señora di administracion, segun Charles ta splica, a bis’e cu e no sa y a actua corecto, mesun
trankilo cu Croes a haci su pregunta, Debbie a contest’e cu e no sa, pero e ta conseh’e pa papia
cu e cabesante di e scol of cu e juffrouw mes.
Croes ta bisa cu e no a pensa mas di e asunto aki y “mi no tabatin ningun intencion di yama ni
haci nada mas”. Ora el a yega su trabao el a haya un yamada di un Juffrouw Suki masha rabia,
kende a bis’e p’e wak pa e ta na scol 1’or y 15 en punto.
El a splica cu el a percura pa ta na e porta di Juffrouw Suki 1’or y 11 en punto, el a bati e porta,
habri’e y den un voz halto e juffrouw a bis’e, “No, abo ta drenta ora ami dicidi bo ta drenta”.
Tabatin dos of tres mucha ainda den e klas. Croes a sinti hopi incomodo y a dicidi di pone su
telefon celular pa graba e combersacion, “pasobra mi ta kere cu e cos aki ta bay malo”.