Page 68 - flip min.on

Na Aruba tin placa pero e rikeza no ta bon reparti!

Publication: Tuesday, 31 March 2015. Categoria: General

Palabranan di un experto:

ORANJESTAD (AAN) – Un tema cu a trece diferente reaccion den comunidad, y sigur
opinionnan publico dividi, ta e aumento di school geld door di SKOA.

Por a scucha hopi hende baha pisa riba e personanan cu a expresa via prensa contra e aumento di
school geld aki, bisando cu “nan kier tur cos por nada”, y cuestiona esnan cu no por paga
comosifuera nan no kier y no cu nan no por.

Un ciudadano cu ta ocupa un bon posicion na Aruba, den un combersacion informal cu nos
matutino, a menciona cu na Aruba si tin pobreza, y e no ta duda cu tin mayornan cu no por paga
e aumento di school geld.

Tin un impresion eroneo cu hopi hende den nos comunidad tin, cu na Aruba tur hende ta biba
bon (economicamente), y cu henter e pueblo por confronta e costo di bida cu ta aumenta dia pa
dia, y cu tur hende por carga e medidanan di gobierno facilmente, locual no ta cuadra cu berdad.

Den nos comunidad ta biba si un orguyo cu ta duna un vision robes di e realidad di hopi hende.
Tin famianan cu ora tin un casamento, bautismo, prome comunion, y hasta den caso di
deramento di un ser keri, nan ta hinca nan mes den debenan halto cu despues ta bira un carga
super pisa pa nan sobrevivencia, pasobra e custumber bao nos pueblo ta “luci cu un bon fiesta, y
entre mas hende invita mihor”.

Logicamente no tur famia por haci esaki tampoco, pasobra nan no tin absolutamente ningun
espacio pa fia placa, incluso tin hopi famia unda alomenos un mayor ta desemplea aworaki, y e
otro ta biba di salario minimo. Y ainda tin un grupo grandi di famia cu ta depende di bijstand.

Aruba, e experto a comenta, ta un pais den vianan di desaroyo pero e no ta un pais
completamente desaroya y te hasta tin cierto aspectonan di tercer mundo. Pero papia di e aspecto
aki sigur ta motibo pa hopi hende den nos comunidad rabia y sinti nan mes indigna.

Ta hopi dificil pa nos tur reconoce nos debilidadnan, e persona a subraya. E si ta convenci cu na
Aruba tin mas pobreza cu nos por kere, y cu pa un grupo grandi di mayornan e aumento di
school geld di SKOA ta un peso extra, cu nan no por carga, mientras cu educacion no solamente
ta un derecho cu nan yiunan tin, sino un obligacion di e mayornan mes pa cumpli, esta inscribi
nan yiu na un school y percura pa nan bay school tambe.

Berdad ta cu na Aruba tin placa. Pero e rikeza no ta bon reparti. Aunke e ingreso por capita ta
halto, esaki no ta tur hende ta prospera di dje.

E medidanan cu gobierno a tuma no tin duda cu, apesar cu nan por ta necesario, ta afecta
precisamente e parti mas vulnerable di nos poblacion, pasobra ningun hende ta exonera di paga