Page 65 - flip min.on

E tata ta compronde cu a pone un grupo pa investiga loke a pasa y esaki ta locual ta tumando
luga actualmente.

Charles Croes a bisa cu no tabata di bin dilanti, ni bisa nada pa no stroba e investigacion, pero
for di diabierna pasa el a cuminsa experencia acoso riba Internet y yamadanan y diferente cosnan
asina, cual a yen’e hopi. Su prome decision tabata pa skirbi un articulo pa corant, algo cu
despues el a dicidi di no manda pa corantnan como cu e no a skirbi’e cu ayudo legal y tabata
incomodo cu kisas cosnan chikito den su carta por wordo malinterpreta.

Mucha ta hayando mal trato

Charles Croes ta lamenta mas cu tur cos cu ta su yiu ta hayando un trato malo awo y p’esey a
dicidi di toch concede un entrevista na prensa. “Mi yiu ta sufriendo hopi hopi hopi mes. E ta
pasando den un tempo duro, masha duro. Pa algo cu e no a haci y cu tin nada di haber cune. E tin
“parientes” cu ta rabia cune, e tin muchanan nan scol cu no ta papia cune. E no por sinta cu nan
pa haci huiswerk. E no ta sinta den grupo. E ta sinta su so. Y henter e experiencia aki a wordo
enfoca riba un mucha di 12 aña di edad.”

http://www.diario.aw/2015/03/despues-cu-un-di-dos-encuentro-a-laga-un-sentimento-strano-charles-
croes-a-pasa-e-grabacion-pa-minister/