Page 64 - flip min.on

Despues cu un di dos encuentro a laga un sentimento straño,
Charles Croes a pasa e grabacion pa Minister

Publication: Tuesday, 31 March 2015. Categoria: General

ORANJESTAD (AAN): Charles Croes kende ta
e tata cu ta wordo acusa di a causa e schorsing di Juffrouw Suki di Scol Primario Kudawecha a
dicidi di conta su experiencia y con exactamente di su parti e asunto a cana. Na ningun momento
el a exigi pa schorsing di e maestro, pero cu simplemente e situacion a escala di tal forma cu e
caso mester a wordo treci dilanti.

E dia despues di e encuentro cu e juffrouw, Croes a ricibi un yamada di Juffrouw Chinda, kende
a invit’e pa un reunion y puntr’e si e ta grabando e combersacion manera e dia anterior. Juffrouw
Chinda tabata informa di e grabacion, pasobra Croes a bisa Juffrouw Suki y e otro maestro
presente cu e ta grabando e combersacion. Como contesta el a bisa “no” na Juffrouw Chinda y
hasta a saca e bateria for di su telefon.

Den e reunion aki na scol, Juffrouw Suki a bin aden y a “apologize” na Charles Croes, pero den
opinion di e mayor e no tabatin un tono sincero pero mas manera cu el a hacie como un
formalidad, na un forma hopi duro. Loke Charles Croes a pensa cu un “apology” ta encera den
un caso asina no ta solamente un “sorry”, pero algo manera “ban pone e cos’ki nos tras awo ban
papia di Junior” Pasobra esey ta e unico cos cu e tata tabata kier, pa concentra riba e alumno.

Na e momento ey el a dicidi di laga e asunto pa loke e ta, pero despues a pensa cu e tin cu haci
algo cu e experiencia aki.

El a acerca Minister di Enseñansa y bis’e cu tin algo pa dun’e y na momento cu e mandatario a
scucha e grabacion el a bisa Charles Croes cu e ta bay pon’e door di un proceso. Charles Croes y
e minister no a papia mas for di e punto ey y despues di un siman y mey pa dos siman, el a haya
un yamada pa un reunion cu yiu y su ex-casa na Departamento di Enseñansa. Aki nan a wordo
haci diferente pregunta. Despues nan a wordo yama atrobe pa contesta mas pregunta y el a
entrega e grabacion riba un “memory stick” na e departamento. “Ora na a scuchele nan a bisa mi
“e situacion ta hopi erg” y cu nan no sa, nan no por tuma decision, pero cu esaki lo bay door un
proceso,” Charles Croes a comenta.