Page 61 - flip min.on

Corte lo resolve asunto di SKOA

Publication: Tuesday, 31 March 2015. Categoria: General
Minister Hooyboer-Winklaar:
ta entama caso sumario contra SKOA

ORANJESTAD (AAN): Despues di varios luna di dialogo tocante e aumento di tarifa di scolnan
catolico, esta SKOA, e Minister encarga cu enseñansa a informa cu no a yega na un solucion cu
directiva di SKOA y ta dicidi di hiba SKOA corte pa asina laga un Hues resolve e impasse.
E Minister a tuma nota di comunicado di SKOA recientemente unda nan a declara cu nan ta
dispuesto pa sinta na mesa pa sigui dialoga, pero mirando cu SKOA ta sigui cobra e suma di Afl.
250 pa cada studiante y ta exigi cu ful e suma wordo paga prome cu fin di Maart, SKOA mes a
dicidi cu no tin espacio mas pa dialogo riba e suma di Afl. 250. Esaki a wordo confirma tambe
den nan carta fecha 17 di Maart.
Awor ta yega momento pa pone henter e asunto aki den man di un Hues pa dicidi, pa asina por
resolve e impasse entre SKOA y Gobierno.
http://www.diario.aw/2015/03/corte-lo-resolve-asunto-di-skoa/