Page 67 - flip min.on

Segun reglanan, a pone un reemplasante den e klas cu ta naturalmente un maestro capacita di e
mesun scol, cu a yega di duna les caba y cu ta “vaardig” den tur sentido.

Contrario na storianan circulando den medionan di comunicacion y medionan social, esaki no ta
trata un caso di mucho huiswerk, ni menasa contra e maestro. “Ta di lamenta di SIMAR a pidi
accion silencioso pa cu hopi iregularidad cu ta pasando y for di cual nos no ta na altura, en bes di
sinta y dialoga”, asina Minister Michelle Hooyboer–Winklaar a splica.

Mi no por para tras di algo cu no ta corecto y en bes di pleita y instiga, cual no ta e pasonan cu
mester wordo sigui, mester scucha y trata e caso manera loke e ta , un caso serio cu no mester
wordo tolera”, e Minister a sigui relata.

“ Si nos mester basa nos mes riba mayoria y lubida un persona, aunke e ta minoria, nos ta
actuando den un forma inhusto, ya cu TUR mucha mester wordo scucha y no lubida. Laga nos ta
sincero den e caso aki, ningun momento a wordo papia di kita e docente for di trabao, solamente
ayudo pa sigura cu e docente tin guia den su trabou.

Na final Minister Michelle Hooyboer- Winklaar a re afirma su posicion y a agrega “E dia cu ami
como minister di enseñansa ta wordo presiona pa no investiga, ignora, of no tuma na serio loke
un mucha ta bisa pasobra ta 1 mucha so, of pasobra e ta fastioso of lo ta gaña, of pasobra su
mayornan ta fastioso, of pasobra e ta politicamente inconveniente pa trata e caso aki, ta e ultimo
dia cu mi lo ta minister di enseñansa. Lo mi no sigui haci e trabou aki. Pasobra den mi bista tur
mucha ta conta, no solamente e mayoria, pero tur. Esey no kiermen cu tur biaha keho drenta lo
tin culpabilidad di parti di un maestro. Pasobra nos sa cu por tin keho infunda. Pero esey no
kiermen cu tur biaha un mucha bisa cu esaki ta pasando cu nos mester ignor’e. Mi ta pidi tur
esunnan envolvi pa duna espacio na tur instancia concerni pa haci nan trabou pa investiga y a lo
largo bin cu recomendacionnan na bienestar di e maestro y e mucha”.

http://www.diario.aw/2015/03/dia-mi-wordo-prohibi-pa-laga-investiga-un-keho-di-un-mucha-ta-e-
ultimo-dia-cu-mi-lo-ta-minister/