Page 77 - flip min.on

actuando den un forma inhusto, ya cu TUR mucha mester wordo scucha y no lubida. Laga nos
ta sincero den e caso aki, ningun momento a wordo papia di kita e docente for di trabao,
solamente ayudo pa sigura cu e docente tin guia den su trabou.
Na final Minister Michelle Hooyboer- Winklaar a re afirma su posicion y a agrega “E dia cu ami
como minister di enseñansa ta wordo presiona pa no investiga, ignora, of no tuma na serio loke
un mucha ta bisa pasobra ta 1 mucha so, of pasobra e ta fastioso of lo ta gaña, of pasobra su
mayornan ta fastioso, of pasobra e ta politicamente inconveniente pa trata e caso aki, ta e
ultimo dia cu mi lo ta minister di enseñansa. Lo mi no sigui haci e trabou aki. Pasobra den mi
bista tur mucha ta conta, no solamente e mayoria, pero tur. Esey no kiermen cu tur biaha keho
drenta lo tin culpabilidad di parti di un maestro. Pasobra nos sa cu por tin keho infunda. Pero
esey no kiermen cu tur biaha un mucha bisa cu esaki ta pasando cu nos mester ignor’e. Mi ta
pidi tur esunnan envolvi pa duna espacio na tur instancia concerni pa haci nan trabou pa
investiga y a lo largo bin cu recomendacionnan na bienestar di e maestro y e mucha. “

http://www.24ora.com/politica-mainmenu-18/93598-minister-winklaar-dia-mi-wordo-prohibi-pa-laga-
investiga-un-keho-di-un-mucha-ta-e-ultimo-dia-cu-mi-lo-ta-minister

Un protesta di algun studiante di klas seis di Scol
Kudawecha na parlamento

M onday, 30 March 2015 20:42
Comparti

Mas of menos 15 mucha di klas seis di Kudawecha a bai parlamento. Esaki despues di scol pa
asina mustra nan malcontento cu a manda un docente di nan scol y klas cas. Drs Marisol Lopez
Tromp na salida a topa cu algun mayor y tambe studiante.
Despues cu presidente di parlamento a atende cu nan mesora a busca su comentario. Drs
Marisol Lopez Tromp a haya un carta caminda cu ta mustra bon cla tambe kiko ta e situacion
pa cu e docente cu actualmente ta malo na cas. Algun miembro di MEP a baha mesora pa asina
topa cu algun mayor y grupo di mas of menos 15 mucha pafo. Lider di MEP tabata tey. Durante
entrevista el a comenta riba e carta tambe cu a wordo manda pa e docente. Silvia Croes ta un
mayor tambe di alumno den zesde klas. Durante entrevista e tambe a comenta un tiki riba e
situacion actual unda nan kier pa e docente bin bek pasobra e ta afectando e situacion di e
muchanan di klas cu nan siñamento. Isabela Suarez ta un studiante di e scol Kudawecha. El a
bai na parlamento tambe hunto cu e otro coleganan di klas. E tambe expresa su mes hunto cu e
demas coleganan di klas. Durante entrevista el a conta cu nan kier nan docente bek den klas
pasobra e ta duna nan e animo necesario pa sigui studia. Nan ta bisa cu ta un bon docente y sin
dje nan no tin gana di bai haya les.