Page 144 - MIN VOS

Recepcion positivo pa Maurits Malmberg y AVP na Noord

Monday, 26 June 2017 20:55
Comparti

Diasabra ultimo Partido di Pueblo Arubano (AVP) a concentra su esfuerzonan den e districto di Noord.
Adicional na lider Mike Eman y otro candidatonan

, tambe tabata presente Maurits Malmberg como un di e candidatonan hoben y profesional cu ta figura
riba lista di e partido berde. Malmberg a conta cu a experiencia un acogida positivo na e casnan unda el a
yega. E aceptacion pa su vision y esun di partido AVP ta asina bon, cu e cantidad di bandera cu e tabatin
cune pa e dia aki, a caba den un rato.
Compaña pa varios sostenedor di #TeamMau, el a subi cayanan di e bario Esmeralda na Noord, un bario
cu gobierno a drecha bunita cu asfalt, trottoir y verkeersdrempels. “Mi ta bay porta pa porta y introduci
mi mes como candidato nobo riba lista di AVP y ta splica kico mi ta para p’e, kico ta mi vision,” asina
Malmberg a conta. Su enfoke principal ta riba economia cu estimulo pa profesionalnan hoben, pero
tambe tin atencion riba maneho social y deportivo.
Esaki ta e prome salida di Malmberg campañando riba su mes despues cu dia 16 di juni ultimo el a
anuncia su candidatura riba e lista victorioso. Riba e mesun dia aki por a mira Mike Eman canando den
Saliña Cerca, Benny Sevinger na Koyari, Mervin Wyatt Ras na Cunucu Abou y asina varios otro candidato
di partido AVP a pasa cerca habitantenan di Noord cu un resultado hopi satisfactorio.