Page 147 - MIN VOS

Tin pashent cu no necesariamente nan mester bay un dokter
di cas

Monday, 26 June 2017 18:37
Comparti

Por sinti cerca dokter y specialistanan cu tin un preocupacion. Ta scucha keho di pueblo y nan ta haya
cita hopi laat y bo ta sinti tambe for di e dokter y specialistanan cu nan tin un lista largo di pashent y ta
sinti hasta cu tin pashent cu ta bin siendo cu no mester bin dokter.

Nan ta hopi disgusta, AZV ta sinti e cosnan aki, aunke nan ta haya keho di hende cu nan ta haya dokter
laat. Segun director di AZV, Anko Ringeling, nan ta monitorea e lista di espera. Esta e tempo cu hende
mester warda prome cu nan haya un cita for di e diferente dokternan, specialmente e specialistanan. E
dokternan di cas tin cierto palabracion cu dentro di tanto ora, si ta spoed, of dia, si e pashent por warda, e
mester por haya un cita cu e dokter of cu e asistente di dokter, of e praktijk ondersteuner cu ta eynan.
Constantemente ta monitor esey. Tur dos factor ta hunga un rol. Sa cu siguramente cerca cierto
specialismo cu ta bezig pa wak si por amplia e cantidad di dokter. Ta papiando entre otro sa cu
neurologonan cu tin un scarsedad. Sa cu e dokternan specialista di wowo cu tin scarsedad. Riba cierto
terenonan ta bezig pa wak si por haya mas dokter disponibel na Aruba. Tin mucho tiki dokter, e ora ey
automaticamente e pashent mester warda mucho tempo prome cu haya cita cu e specialista concerni,
unda cu e wardamento ta mucho largo. A purba di wak si esey tin di haber cu e cantidad di dokter. Tin
biaha tin di haber riba e manera cu nan ta organisa na practica, pasobra awor ta papiando cu e pashent
tin cu warda algun dia, algun siman, algun luna. Te ainda tin practica di dokter caminda cu e pashent tin
cita 8’or di mainta y ainda pa 2’or di merdia ainda e ta sinta den e luga di dokter. Esey tampoco no por.
No ta acceptabel, segun AZV. Esey ta cosnan cu a keda monitorea.

Esey ta tende specialmente di e dokternan di cas. Pa e specialistanan tin e filter di dokter di cas. Prome
cu yega na un specialista, b’a pasa cerca un dokter di cas. Specialmente di dokter di cas ta bisa AZV cu
toch tin parti di e pashentnan cu ta bin cada dia cu eigenlijk no tabata mucho necesario pa nan yega
eynan. Si bo tin un verkoud, griep, tipo di cosnan asina, no ta necesario pa bay dokter di cas. Den e
sentido ey segun Ringeling, mester bin suficiente informacion di parti di dokternan di cas tambe, cu nan
ta informa e pashent na ki ora e ta necesario cu berdaderamente ta bon pa acerca un dokter, den e caso
aki un dokter di cas. Hunto cu Departamento di Salubridad Publico, a saca un buki pa duna informacion
tambe. Por hay’e si riba website di AZV pa yuda hende busca si ta necesario pa bay specialmente dokter
di cas. Pasobra cada biaha cu un dokter bay y no tabata echt necesario, bo ta ocupa un luga di un hende
cu si tabata tin mester di e dokter di cas urgentemente. Esey ta tur dos banda ta hunga un rol. Esey ta
conta mas tanto pa specialistanan, pa cierto specialismo no tin suficiente dokter y a menciona caba cu ta
bezig pa wak si por a bin cu mas specialista den e ramonan ey. Di un otro banda di dokternan di cas, ta
scucha hopi biaha cu nan ta bisa cu ta bin pashent cu no tabata echt necesario nan bin e dokter di cas.