Page 150 - MIN VOS

Yiu di Watty Vos ta demostra su sosten na partido AVP

Monday, 26 June 2017 21:01
Comparti

Diabierna atardi e makinaria berde di Partido di Pueblo Arubano a inicia e fin di siman den gran forma.

Despues di sali for di Cas di Partido a Playa riba un ambiente tremendo di asambeho, simpatizante y
candidatonan di AVP lidera pa Mike Eman a bay den direccion di Driemasterstraat. Aki a topa cu Edgard
Vos, yiu di e gran politico y mandatario Watty Vos, den felis memoria. Edgard, su ruman muhe y demas
famia sigur ta hendenan hopi special pa partido, pero tambe pa Aruba henter y en particular e bario di
Madiki y Rancho, manera Eman mes a expresa na e momento ey. Un momento emotivo caminda
dirigentenan di AVP a recorda con nan a carga Edgard den nan brasa como baby y un impresiona grandi
di wak awo como un hoben adulto caba. Edgard su mes a keda conmovi pa e encuentro y a demostra di ta
sigui sostene partido AVP y e ideologia Social Cristian cu su defunto Tata tanto a
promove.