Page 148 - MIN VOS

Un ciruhano mester haci tanto operacion pa aña pa ta un bon
ciruhano

Monday, 26 June 2017 18:25
Comparti

Ora papia di scarcedad of cantidad di dokter of cierto specialismo, mester mira den diferente direccion.
Un otro ehempel mas ta cirugia, si habri mercado pa 100 ciruhano cu a bay studia afo y a bin bek, ta duna
permiso pa traha, tur 100 ta traha. Sinembargo tin trabao pa 7 ciruhano so pa Aruba.

Awo tin 100 ciruhano cu aki 5 aña, a opera por ta 2 appendix. Ta kere cu por confia calidad di e ciruhano
aki, no ta asina. Tur pais grandi, cu pa un ciruhano ta un bon ciruhano, e mester opera por lo menos
tanto di cada operacion tur aña pa e por mantene su habilidad y e mester di curso tambe. E mester traha
tanto ora pa siman. E mester tanto operacion pa aña cu por bisa cu e ta keda bevoegd en bekwaamd. Na e
momento cu bay engrandece di 7 pa 100 ciruhano pa e pais aki, lo bay tin un problema hopi grandi mes y
cu bo no por controla tampoco pasobra e ta demasiado grandi. E ta bay pa un situacion cu bo por
controla. E no tin di haber cu ta descrimina. No ta descrimina. Tin varios di e studiantenan aki ta haya
MB cu trankil para duro banda di e minister y bisa cu nan por haya un trabao na Aruba. Ohala cu tin mas
trabao cu por duna. Ken no kier duna nan. No cu e minister no ta compronde politica. E ta compronde
hopi bon. Si yuda tur cu trabao, si yuda 100x10, eynan tin basta voto. E minister ta compronde e
implicacion. Ta bay pa e prioridad, como minister, pa garantisa pueblo cu minimo di calidad. Pesey a bin
cu inspeccion y ta pesey a bin cu AruBig. E unico cos cu e ta sinti’e fastioso ta cu AruBig a tarda masha
hopi mes. E registratieafdeling, diabierna a sali un noticia di dje, cu el a cuminsa funciona.

E siman aki e ta activo y pronto ta bay cuminsa cu e prome registracionnan di nos profesionalnan di
cuido. El a tarda pa hopi motibo. No ta facil pa bo bin cu algo nobo. DVG tambe tabata bezig cu su
formatierapport cu no ta cla ainda. Pero ya caba a start cu e departamento di registracion nobo aki
pasobra e no por warda mas. E ta bay ta un bon trayecto. Tin cu percura cu pa despues di algun aña di
tempo, trahando riba e nivel cu e mester traha, cu atrabes di AruBig, no ta bay tin descriminacion mas.
Actualmente tin descriminacion. Na Corsou tambe. E minister no ta papia so cu parlamentario. Nan ta
politico y ta bisa loke nan ta haya ta bon. E minister a papia cu e veld di Corsou y nan ta bisa cu nan ta
desea pa nan tin e sistema na Aruba. Nan ta mirando caba ki fruto ta bay bin. E ta rekeri un tiki pasenshi.
Sa cu tin cierto muchanan ta sinti cu nan ta val tussen wal en schip. Tin cu carga pasenshi, e sistema ta
bin y lo trece un mehoracion den e descriminacion cu tin awor aki hustamente den e sistema. Tin cu
corda cu e enfoke cu minister, ta purba di tene cuenta cu casonan individual, pero na final di dia, e
Bienestar General tin mas prioridad den garantisa pueblo un minimo di calidad, segun minister
Schwengle.