Page 75 - KPA MAY 11,2015

Ayo 1700 florin laga atras den auto

Publication: Monday, 11 May 2015. Categoria: Policial

ORANJESTAD,(AAN): Ta tur siman ultimamente ta publica di hende cu ta risca di laga
pertenencianan di balor of suma di placa atras den auto bandona. Den pasado por a drumi cu
bentana habri awe 2015 no por tuma ningun chance ni pa lubida di cera cas of auto na lock etc.

Trempan of laat, ladron nan ta swipe e cas completo, corda auto.

Diasabra marduga algo pasa di dos’ or, central di polis a dirigi patruya di San Nicolas na altura
di BSL Laundry pa kiebro den auto.

E patruya cu a presenta a atende e homber di inicial H. cu a declara, di a laga su tas color maron
den auto di su amigo di inicial C. Den e potmoni H. tabatin e suma di 1700 florin Arubano.

Desconocinan a kibra den e auto y a bay cu e tas cu tabata contene e placa.

Polis a tuma e denuncia, y algun persona den centro di ciudad a laga sa cu e kiebro a wordo haci
pa mucha homber nan di “banda di Village”. E caso tin atencion.

Tambe pabao di brug na warda di polis di Noord a presenta e señora di inicial K. cu a entrega
keho di kiebro den su auto Hyundai Accent color di plata A-29115.

Segun denunciante K. diahuebs mainta entre cuarto pa 8 y cuarto pa 9 e bentana di porta patras
banda robez a wordo destrui y desconocinan a horta su tas color preto /blanco preto marca
“Victoria Secrets “cu tabata contene paña deportivo y tas cuadra di make up marca Bear
Minerals . Den e tas tabata tin diferente sorto di make up.

E auto di denunciante tabata staciona banda di caminda riba L.G. Smith Boulevard na altura di e
oficina di Aruba Tourism Authority. (ATA) na Oranjestad. Senora K. a entrega denuncia oficial
di kiebro y ladronicia.

http://www.diario.aw/2015/05/ayo-1700-florin-laga-atras-den-auto/