Page 77 - KPA MAY 11,2015

Grupo di hoben ta atacando hende riba caya

Publication: Monday, 11 May 2015. Categoria: Policial

ORANJESTAD,(AAN); Tin un tendencia cu un grupo di persona lo ta cana rond y ta maltrata
hende.

E situacion ta birando un problema. No ta exclui cu por haci uso di e ley “Samen Scholing” den
futuro. Den parkinglot na altura di Señor Frogs segun informe ricibi pa Central di polis diasabra
marduga pa casi dos’or, lo tabatin bringamento.

Mesora a despacha patruya di Noord den e direccion y na yegada di e unidad no tabatin
bringamento mas y central di polis a wordo poni na altura.

Pero un rato despues ta presenta un otro patruya di e distrito Noord na e sitio.

E persona envolvi a papia cu e agentenan y a declara cu un grupo di 6 mucha homber a rondona
su persona y a trata di dale.

E por a identifica solamente un di e mucha hombernan debi cu esaki tabatin Dread Locks (cabey
Rasta). Patruya a keda circula den e area buscando e mucha homber cabey di Rasta y cu lo ta
pertenece na e grupo di 6 pero agentenan no a topa nan.

E mucha homber cu a wordo rondona a bay cas mesora.

Mientras tanto diasabra marduga algo pasa di tres’ or a drenta informe na polis, cu un homber a
wordo maltrata pa otro nan na Noord y e tabata drumi benta na suela.

Un patruya di Noord a wordo dirigi rapido altura di Lekker Bar & Restaurant y polis a topa e
homber di inicial C. cu a conta di a wordo maltrata pa un grupo di mucha homber/hendenan.

Presencia di ambulans a wordo rekeri y na yegada nan a atende e victima C. y e mester a wordo
transporta pa Dr. Horacio Oduber Hospital pa tratamento.

http://www.diario.aw/2015/05/grupo-di-hoben-ta-atacando-hende-riba-caya/