Page 79 - KPA MAY 11,2015

Revolver y pistool confisca pa polis despues di accidente
Publication: Monday, 11 May 2015. Categoria: Policial
Tres detencion

ORANJESTAD (AAN): E por haya un rabo largo sigur e investigacion cu ta bai cuminsa riba
un accidente cu a tuma lugar dilanti Radisson Hotel. Laga nos cuminsa duna e Polisnan na e sitio
un pabien pa e forma cu nan a actua y asina logra confisca dos arma den e proceso di
investigacion.
Ta zwaare jongens a keda deteni. Nan mester bai duna cuenta tambe. Lo investiga e intencion di
cana arma y si nan tin di haber cu cualkier delito cu tin pendiente pa soluciona. Tabata den
careda di 10or di mainta cu central di Polis a haya un melding cu dilanti di Radisson Hotel tin un
accidente basta grave.
Na yegada di Polis a confirma cu ta un accidente grave. Un Nissan Sentra biniendo for di pazuid
lo tabata bayendo Noord banda di Radisson pa Paseo Herencia y cu velocidad basta halto. Pa un
motibo of otro e lo a dal frontal den bus di Arubus.
Esnan di e Sentra tabata esnan cu a haya dos arma di candela den nan poder separadamente y
tambe arma blanco. Aunke tin cu a bai hospital tur tres a keda deteni pa autoridad. Ta basta
daño material a keda atras den e caso aki. A confisca e auto despues di cuminsa listre na e sitio
mes.
http://www.diario.aw/2015/05/revolver-y-pistool-confisca-pa-polis-despues-di-accidente/