Page 38 - AWM 28APRIL2018

38
E Cristo mas halto di mundo tin algun antena
riba su cabes y niun hende sa pakiko nan ta
AWEMainta Diasabra, 28 April 2018
Mundo curioso
E CIUDAD chikito di Swiebodzin, na Polonia,
no ta conoci na muindo pa su mondinan berde
ni pa e bon clima di su region; e ta conoci pa e
estatua di Cristo Rey. Cu mas di 36 meter di
haltura, e ta e imagen di Hesucristo mas halto
na mundo.
Si, e ta hasta supera e Cristo Redentor di Rio di
Janeiro, cu ta midi 30 meter, y tambe na e Cristo
de la Concordia di Cochabamba, na Bolivia, cu
ta suma 34 meter sin conta e pedestal.
Asina mes, e Cristo di Swiebodzin ta menos
conoci, maske cu recientemente el a capta varios
portada den prensa na Polonia. E motibo: un par
di antena cu a wordo instala riba su cabes y cu,
maske nan ta medio scondi den e corona cu tin
riba e estatua, esakinan a keda den descubierto
algun tempo atras danki na un drone video.
E estatua, cu ta alcansa 52 meter di haltura danki
na e elevacion di e sero caminda e ta situa, e ta
un luga ideal pa transmiti cobertura pa e region.
Sinembargo, esaki no parce di ta asina.
Na margen di loke a keda publica den prensa,
segun un website cu ta dedica na midi e velocidad
di diferente punto di propagacion di network
mobil, lo cu ta berdad ta cu e Cristo aki no ta
emplea como antena di señalnan mobil.
Ta parce cu ni e parokia di Swiebodzin ta na
altura di e existencia of e uzo di dicho antenanan,
pues e propio pastor encarga a duna di conoce cu
e tabatin solamente constancia di e instalacion
di un ‘bliksemafleider’ riba e cabes di e Cristo,
nada di antena pa emiti Internet.
E declaracion di e pastor encarga ta cay den
discordia cu e informacion di Fakt24, cu ta sigura
cu tur cos tabata idea di un pastor, cu a contacta
un proveedor de Internet (e fuente di e tabloid
Fakt24) pasobra e tabata kier a haya Internet pa
monitorea loke cu pasa den e parokia y, de paso,
manda señal na otro clientenan.
Di ki manera cu e por a pasa, pa loke por mira
riba e potretnan di e cabes di e estatua, loke
realmente tin instala riba e cabes di e Cristo
ta antenanan reflector di señal, emisornan riba
nan mes, cu lo por wordo uza pa transmiti of
amplifica señalnan di WiFi di distancia largo of
WiMAX.