Page 41 - AWM 28APRIL2018

Diasabra, 28 April 2018 AWEMainta 41

Deporte

SV Britannia Total Finance / Bright

Bakery Damas ta clasifica nr. 1 Weganan di Final den Junior y Senior

despues di gana Arsenal 3-2. Division y Playoff den Mayor Division

DIAHUEBS anochi den Compleho Deportivo
Guillermo P. Trinidad a tuma luga e grandioso
wega division Damas entre e Pumanan di Piedra
Plat esta SV Britannia Bright Bakery contra di e
muchanan Angochi esta Arsenal.

SV Britannia Bright Bakery / Total Finance ta
bin di 13 wega gana y un empata y un perdi. Di
otro banda Arsenal ta bin di 3 wega gana y 10
perdi. E wega ariba su mes no tabata tin mucho
enteres tumando na cuenta cu SV Britannia
Total Finance / Bright Bakery a clasifica caba y di
otro banda Arsenal ya no tin ningun chens mas.
Pero ambos equipo deportivamente a presenta
completo ariba tereno y te hasta nos por bisa
cu SV Britannia a presenta cu un futbolista
nobo den persona di Jean-Nira Croes kende ta
bin di RCS. E wega tabata bastante balansa y
tur cos tabata mustra cu e wega lo termina den
un empate di 2-2, pero ta den final di wega cu
SV Britannia Bright Bakery / Total Finance ta
anota e gol di victoria. E golnan di Britannia
a wordo anota pa; Jean-Nira Croes, Josanne
Maduro y Tari Doornkamp. Un pabien ta bai na
e Pumanan cu un biaha mas lo bai bringa pa e
titulo di campeon di Aruba, pero nos tur sa cu e
biaha aki lo no ta un tarea facil.

DIABIERNA dia 27 di april weganan di playoff y final di e Campeonato
di Aruba Little League (ALL) dedica na Sr. Braulio Wester q.e.p.d. den
categoria 11-12 (Mayor), 13-14 aña (Junior) y 15-16 aña (Senior) .

E prome wega di playoff den mayor entre teamnan di Aruba North
Little League (ANLL) lo tuma lugar diabierna 27 di april pa 10:00am
na veld di Kudawecha entre e ekiponan di Blue Marlins Banco di Caribe
vs. Hammersharks Burger King.

E prome wega di final den Juniors lo inicia diabierna 27 di april pa
10:00am na Nadi Croes/Crismo Angela entre e ekiponan di Stars CMB
vs. Grasshoppers QCC.

Den categoria di Senior e prome wega lo ta pa 1:00pm na Nadi Croes/
Crismo Angela diabierna 27 di april entre CBN Divi Impact vs. Blue
Marlins Gatorade.

Aruba Little League kier a invita e pueblo di Aruba pa bin apoya nos
hobennan cu ta trahando pa e honor di representa Aruba den e region.

Minor: La Romana, Republica Dominicana (27 juli – 5 augustus)
Mayor: Sabana Grande, Puerto Rico (13 – 21 juli)
Junior: Oranjestad, Aruba (6 -15 juli)
Senior: Willemstad, Curacao (29 juni – 8 juli)