Page 40 - AWM 28APRIL2018

40 AWEMainta Diasabra, 28 April 2018

Deporte

Participacion masal den

E di 12 edicion di competencia internacional di landamento Stingray Challenge

DEN E fin di siman tras di lomba e organisacion di landamento,
Stingray Swimming Team a organisa e campeonato nacional di
landamento Stingray Challenge den su edicion number 12 esaki na
Piscina Olimpico Roly Bisslik na Savaneta.
Tur aña e competencia ta uno cu participacion internacional cu e aña
aki e clubnan Swim Club Bulado di Corsou, Neptunes Swimming di
Surinam como tambe East Coast Aquatic Team di USA sin lubida nos
propio clubnan di Aruba, Aruba Dolphins, Orca’s Swimming, Sportsz
4U y Stingray Swimming.
Un total di 181 landado di Aruba como tambe di exterior a competi
durante e tres dianan aki cu a haci e evento un bes super exitoso.

E team di Aruba Dolphins a titula campeon di e di 12 edicion di e
Stingray Challenge, mientras na di dos lugar a keda e propio team
Stingray Swimming Team y Neptunes di Surinam a keda na di tres
lugar.
E deporte di landamento t’esun cu mas exito internacionalmente a
logra pa Aruba, unda nos landadonan a briya den competencianan
internacional renombra y sigur esnan den nos region y continente
manera e Carifta, CISC y Consanat y CCCAN.
]Pa varios aña nos atletanan di landamento ta sobresali entre e
mihornan den nos region y cada bes e prestacion ta bay den e direccion
desea. Notable ta cu e aña aki Aruba un bes mas lo ta anfitrion di
un competencia grandi di landamento, esta e Central American and
Caribbean Swimming Championships (CCCAN) den luna di juni
proximo.
Un bon oportunidad pa nos propio atletanan di landamento briya na
cas cu apoyo di nos publico.

Stichting Sportsubsidie Aruba a subsidia e 3 dianan di competencia
den e 12th Stingray Challenge Championship.