Page 8 - HOH, 11 May 2015_

E sistema di cambio di warda pa personal di
ambulans a tarda mas di mey ora pa
ambulans yega

5 hora pasa , 11 di mei 2015 08:06
Seccion: incidente

Dialuna mainta a sosode un accidente na Piedra Plat unda a yama pidi pa ambulans pasobra tin
hende herida, e ora di e accidente ta net un ora cu tin cambio di warda y aki mester revisa como
tambe equipa e ambulansnan etc. etc.. Afortunadamente e accidente aki no tabata algo gravisimo
cu hendenan seriamente herida ya cu si esey tabata e caso e resultado lo por tabata di lamenta
pasobra ambulans nan a tarda mas di mey ora pa yega na e sitio di accidente. Hasta un di e
dokternan di ImSan a presenta na e sitio di accidente y a keda babuca cu mey ora a pasa y niun
ambulans a yega na e sitio. Tempo di minister Candelario "Booshi" Wever e exigencia ta cu unda
cu ta ambulans mester yega den 20 minuut maximo. Despues a bini otro minister pero ya eynan e
ambulans mag di yega ora e por y awor un otro minister nos no a tende nada ainda pero hopi
hende ta reclama e servicio di tardansa pa yega. Nos tur sa cu situacion no ta di e tanto bon ey cu
mester bay economisa pero no por ta asina cu scapa bida di hende ya no ta prioridad mas! Un cos
si nos mester bisa cu e personal di ambulans ta atento y ta haci nan maximo esfuerzo pa duna un
excelente servicio pero e hecho cu pa scapa placa ta baha e cantidad di personal trahando y ta
bini cu sistemanan inpractico di cambiamento di warda y falta mas ambulans.
http://www.awe24.com/20150511/21747/E_sistema_di_cambio_di_warda_pa_personal_di_ambulans_
a_tarda_mas_di_mey_ora_pa