Page 66 - MIN.TTC MARCH 9,2015

limita.
Bin pasa un dushi dia di famia na Archivo Nacional dia 18 di maart proximo.

http://www.24ora.com/local-mainmenu-5/92630-aaa-southwest-airlines-ta-cuminsa-cu-servicio-
semanal-pa-houston

AAA: Southwest Airlines ta cuminsa cu servicio semanal pa
Houston

Sunday, 08 March 2015 17:04
Comparti

Aruba Airport Authority N.V. (AAA) durante un ceremonia den sala di salida #4 a tene un ceremonia na
honor di e prome buelo di Southwest Airlines cu a sali pa William P. Hobby Airport na Houston, Texas.
Esaki ta e di dos buelo inaugural di Southwest Airlines desde cu pa prome biaha nan a pisa suelo na
aeropuerto di Aruba na Juli 2014. E servicio nobo di Southwest Airlines lo wordo brinda un biaha pa
siman riba Diasabra cu nan avion B737-700 cu comodamente ta acomoda 143 pasahero.
E hecho cu Aruba ta brinda US Pre-Clearance tabata un factor determinante pa e aerolinea ora cu el a
tuma e decishon pa expande su cantidad di buelo na mas destinacion:
“E programa di Pre-Clearance di CBP ta permiti nos pa cumpli cu e promesa cu nos a haci cu esnan na
Houston pa combina nos prijsnan abou y nivel halto di Customer Service cu curason na destinacionnan
pafo di Merca,” asina Teresa Laraba, Southwest su Senior Vice President di Cliente a bisa.”
Southwest Airlines ta den su di 44 anja di servicio y e aerolinea cu ta basa na Dallas ta sigui diferencia su
mes for di e otro aerolineanan cu Customer Service ehemplar brinda door di mas cu 46,000 empleado na
mas cu 100 miyon pasahero anualmente. Southwest ta opera mas cu 3,400 buelo pa dia na 94
destinacion den Merca y 6 pais adicional. E compania ta opera e flota di avionnan Boeing mas grandi na
mundo, di cual mayoria ta ekipa cu WiFi brindando contectividad di gate pa gate mientras cu e ta
bulando riba Merca. Southwest ta e unico aerolinea Mericano grandi cu ta ofrece maletanan sin costo pa
biaha (prome y di dos maleta), y nunca tin costo pa haci cambio den reservacion, aunke diferencia den
prijs ta aplicabel.
“Awe ta marca otro logro importante pa Aeropuerto di Aruba. Nos relacion cu Southwest ta creciendo y
nos no por ta mas contento cu esei. E buelo di Houston lo brinda un opcion adicional pa nos
pasaheronan cu ta busca bon servicio y prijsnan competitivo. Nos ta convenci cu e conectividad cu otro
destinacionnan na Merca lo ta un bentaha pa Southwest y nos pasaheronan. Nos ta spera hopi mas buelo
inaugural cu Southwest den futuro sercano”, asina CEO di AAA Sr. James Fazio a bisa durante e
ceremonia inaugural teni na aeropuerto.
E potretnan ta ilustra e ceremony inaugural festivo teni na honor di Southwest su buelo inaugural pa
Houston.