Page 65 - MIN.TTC MARCH 9,2015

vuelo inaugural entre Houston y Aruba ta bini despues cu aña pasa e vuelonan a bay bon. E ta convenci
cu e vuelo di awe tambe lo bay bon y ta puntra su mes kico otro lo tin pendiente aki 8 luna. "Nos mester
sigui riba un plan pa e añanan nos dilanti. Nos ta convenci cu lo tin resultadonan positivo di e
partnership aki", di acuerdo cu Ronella Tjin Asjie-Croes di Aruba Tourism Authority.

http://www.24ora.com/local-mainmenu-5/92629-speech-di-status-aparte-13-di-maart-1983-dor-di-
senor-gilberto-francois-betico-croes-dfm

Speech di “Status Aparte” 13 di maart 1983 dor di señor
Gilberto François Betico Croes d.f.m.

Sunday, 08 March 2015 17:01
Comparti

E siman aki ta cumpli 32 aña pasa cu señor Gilberto François Betico Croes d.f.m., a duna su speech na
Hulanda, durante un celebracion di Aruba Dag, despues di e Conferencia Ronde Tafel Conferentie cu a
tuma luga na Hulanda dia 12 di maart 1983.
E speech ta cuminsa: “Gisteren, zoals premier Lubbers, voorzitter van de Ronde Tafel conferentie zei: de
volgende woorden door de heer Lubbers uitgesproken: DE KOGEL IS DOOR DE KERK!. Het was een
jarenlang streven van de Arubaanse bevolking om onafhanelijk te worden en een zelfstandig posite in het
Koninkrijk te krijgen. Het is zover.
Esaki ta parti di e speech, cu Sr. Jerry Fingal a graba durante cu e tabata presente na Hulanda y a
presencia esaki. Jerry Fingal a graba e speech aki y a transcribi esaki, pa asina comparti e speech tan
importante aki cu e pueblo di Aruba. Jerry Fingal tempo cu e tabata bishita Sint Dominicus College,
tabata colega studiante di señor Betico Croes d.f.m., nan tabata colega di scol. Despues di hopi aña Jerry
Fingal por tabata presente na e momento cu e speech asina importante a wordo duna. Pa e informacion
valioso aki no bay perdi, Jerry Fingal a traha un poster cu e texto di e speech na Hulandes y Papiamento.
Jerry Fingal a haci un donacion na Fundacion Amigonan di Archivo pa e sobra di e material cu e tin pa
asina comparti cu nos pueblo. E poster lo ta disponibel pa cumpra durante e Festividad Nacional dia 18
di maart na Archivo Nacional Aruba. Durante e dia aki tambe lo tin diferente buki di e ultimo
exposicionnan di Archivo Nacional Aruba na benta na un prijs special.
Nos ta spera di por conta cu bo bishita durante e Festividad Nacional dia 18 di maart na ANA,
cuminsando pa 9’or di mainta te cu 6’or di atardi. Lo tin un festival di cuminda cu diferente plato local,
Caribense y Surnam. Tambe lo tin musica pa Grupo Melodia, Banda Duro y presentacion di bailenan
folklorico.
Yega tempran pa haya e bunita recuerdo di e speech di dia 13 di maart 1983, cual ta un cantidad hopi