Page 67 - MIN.TTC MARCH 9,2015

http://www.24ora.com/politica-mainmenu-18/92633-minister-di-cultura-ta-pidi-comunidad-pa-pone-
atencion-na-e-color-di-bandera-di-aruba

Minister di Cultura ta pidi comunidad pa pone atencion na e
color di bandera di Aruba

Sunday, 08 March 2015 19:05
Comparti

Aña pasa, bao liderazgo di Minister di Cultura, Otmar Oduber a logra e establecimento di e color original
di bandera di Aruba di acuerdo cu e codificacion moderno den un ley.
E ley aki a wordo aproba den Parlamento y ta vigente, pero e Landsbesluit cu ta percura pa e parti di
control pa por tuma den beslag e banderanan cu no ta di e color corecto y duna boet no ta cla ainda. E ley
aki no lo keda cla tampoco prome cu dia 18 di maart, pero den luna di april, segun Minister Otmar
Oduber.
E mandatario a splica cu pa motibo di prioridadnan na Raad van Advies no tabatin e espacio pa atende
cu e landsbesluit y tin, ademas, cierto retraso den wetgeving. Consecuentemente, esunnan cu actua
contra e ley ainda no por wordo persigui pasobra e ley di consecuencia no t’ey ainda.
Minister Otmar Oduber a splica cu ta despues di 15 aña di discusion, hustamente durante di e reunion
den parlamento riba e topico aki a logra haya un copia segunda mano di e diccionario cu ta referi na dje
den e ley di 1975/66. Den e buki, cu a wordo adkiri na un libreria na Inglatera, tur hende por wak e
informacion tocante e color principal di e bandera, cual ta Larkspur Blue. Esaki tabata e color pa e
bandera manera el a wordo scogi na 1975 y e bandera cu a wordo hisa pa prome biaha na Aruba durante
di un ceremonia special den stadion na aña 1976, segun e titular di cultura.
Minister Oduber a bisa cu den parlamento tambe el a mustra diferente bandera di diferente color cu
ta(bata) wordo bendi na Aruba y nan tabata hopi ley for di e otro – for di blauw cla pa blauw scur y hasta
aqua.
Minister Oduber ta apela na consenshi di cuidadanonan di Aruba pa ta consciente di e color corecto di