Page 90 - MIN.TTC MARCH 9,2015

Vuelo adicional pa Aruba Southwest Airlines ta cuminsa cu
su servicio semanal pa Houston, Texas

 Mar 9th, 2015
 Local

Durante un ceremonia den sala di salida number 4 a tene un ceremonia na honor di e prome
vuelo di Southwest Airlines cu a sali pa William P. Hobby Airport na Houston, Texas. Esaki ta e
di dos vuelo inaugural di Southwest Airlines desde cu pa prome biaha nan a pisa suela na
aeropuerto di Aruba na Juli 2014. E servicio nobo di Southwest Airlines lo wordo brinda un
biaha pa siman riba diasabra cu nan avion B737-700 cu comodamente ta acomoda 143 pasahero.
E hecho cu Aruba ta brinda US Pre-Clearance tabata un factor determinante pa e aerolinea ora cu
el a tuma e decision pa expande su cantidad di vuelo na mas destinacion. “E programa di Pre-
Clearance di CBP ta permiti nos cumpli cu e promesa cu nos a haci cu esunnan na Houston pa
combina nos prijsnan abou y nivel halto di Customer Service cu curason na destinacionnan pafo
di Merca”, asina Teresa Laraba, Southwest su Senior Vice President di cliente a bisa. Southwest
Airlines ta den su di 44 aña di servicio y e aerolinea cu ta basa na Dallas ta sigui diferencia su
mes for di e otro aerolineanan cu Customer Service ehemplar brinda pa medio di mas cu 46 mil
empleado na mas cu 100 miyon pasahero anualmente. Southwest ta opera mas cu 3.400 vuelo pa
dia na mas di 94 destinacion den Merca y 6 pais adicional. E compania ta opera e flota di
avionnan Boeing mas grandi na mundo, di cual mayoria ta ekipa cu WiFi brindando conexion di
internet di gate pa gate mientras cu e ta bulando riba Merca. Southwest ta e unico aerolinea
Mericano grandi cu ta ofrece maletanan sin costo pa biaha (prome y di dos maleta) y nunca tin
costo pa haci cambio den reservacion, aunke e diferencia den prijs ta aplicabel.