Page 85 - MIN.TTC MARCH 9,2015

E ‘World Legacy Awards’ a worde funda na 2014 pa duna reconocimento na compania,
organizacion y destinacionnan lider riba tereno di biahamento y turismo cu ta transformando
turismo sostenibel. Mas di 150 candidato representando 56 pais y seis continente a worde
nombra. Finalistanan den cinco categoria a worde selecta door di un team internacional di 18
agentenan di biahe, kendenan ta expertonan y a haci inspeccionnan na elugarnan prome cu a
scoge e ganadornan den cada categoria. Como e ‘Destination Leadership” ganado, Aruba a hala
atencion di e huradonan pa su iniciativa di ta lidera mundo den energia berde. Na 2012, Aruba a
bira partner cu Carbon War Room di Sir Richard Branson cu a worde funda pa bringa cambio di
clima, tambe Aruba a bira partner cu otro entidadnan manera Universidad di Harvard. Door di e
recursonan natural di e isla, solo y biento y un plan reactivo cu ta worde sosteni door di e
partnernan y cu e vision di Prome Minister Mike Eman, Aruba ta riba e caminda pa bira e prome
pais na mundo cu ta completamente independiente di petroleo fosil na 2020.

Gobierno di Aruba ta promoviendo activamente uzo di energia renobabel pa medio di parkenan
di molina di biento, un parke solar na aeropuerto, un planta di waste-to-energy, comunidadnan
sabi y un inversion di un biyon cu a worde grandemente enfoca riba eco turismo. Un trolley
ganado di un premio prestigioso cu ta core den centro di Oranjestad ta e prome streetcar cu ta usa
e sistema di tecnologia hydrogeno y ta core riba bateria cu ta worde carga pa energia di biento y
solo. Aruba a spaar 50 miyon pa aña pa medio di esfuersonan sostenibel y na 2014 seis isla
Caribense a compromete nan mes pa sigui e “Aruba Model” door di afilia nan mes na Carbon
War Room como parti di e reto di 10 isla pa haci e transicion di ta 100% independiente di
petroleo fosil.

http://www.diario.aw/2015/03/aruba-reconoci-un-biaha-mas-riba-plataforma-internacional/