Page 81 - MIN.TTC MARCH 9,2015

Arubus lo introduci 1910 parkeervak na Playa y banda di hotel

Publication: Monday, 9 March 2015. Categoria: General

ORANJESTAD (AAN): Parkeermeters ta un topico cu tabata basta den noticia pero awor lo bay
tende mas di dje atrobe. Sigur mirando cu tin trabaonan andando cu pintamento di parkeervak etc
den Playa.

Teo Croes, director di Arubus, a splica cu empleadonan di DOW ta indicando esnan di Arubus
unda e vaknan mester worde pinta riba caminda. E parkeermeternan cu lo worde uza ta yega aki
cuatro siman y e instalacion lo worde haci den fase.

E ta meter pa diez auto, cinco cada banda di caminda.

E meternan ta hopi moderno y ta bay uza carchinan, mescos cu esnan cu e pasaheronan di
Arubus ta uzando awo y e por worde recarga na 30 diferente luga. Arubus ta den combersacion
cu carrentalnan pa nan tambe bende e carchinan di 10 Dollar cu e turistanan.

Interesante ta cu lo bini cu un sistema cu via smartphone por controla unda cu tin espacio
disponibel pa parkeer. A puntra Teo Croes director di DOW pa splica con e control lo bay ta. E
cliente ta hinca su carchi den e meter y e ta haya su recibo cu e ta keda cune. E
parkeerwachternan cu ta cana cu un tablet ta haya e informacion cu e cliente a paga pa staciona
tal caminda.

Si tur cos sigui cana manera e ta bay, aki seis siman e prome parkeermeternan ta den funcion. E
lo ta un tarifa general di 2 Florin pa ora. Cierto areanan lo worde destina pa trahadonan di centro,
y un ticket ta worde pega riba nan auto, pagando un suma fiho pa luna. E ta un tipo di
vergunning y e parkeerwachter por controla si e ta valido. Segun Teo Croes a indica, ta bay tin
1910 parkeervak entre Playa y area di hotel. Ta finalisa e parti di Playa prome y djei lo sigui cu e
area banda di hotelnan. Banda di hotel lo tin 400 espacio. Pa Arubus e ta un inversion di 2 miyon
Florin na mashin y cu resto di gastonan ta yega 2.5 miyon. Despues di e inversionnan aki, a keda
calcula cu kitando e gastonan, e lo genera un entrada di 2.2 miyon Florin pa aña. E motibo pa
cual Gobierno a dicidi di duna Arubus e proyecto aki tabata pa nan por financia nan mesun