Page 79 - MIN.TTC MARCH 9,2015

Arubus a haya placa cu a worde ‘hacked’ for di su cuenta
Publication: Monday, 9 March 2015. Categoria: General

ORANJESTAD(AAN): Director di Arubus, Teo Croes, den un
declaracion duna, a splica cu e investigacion riba hacking di e cuenta di e compania di bus a
tuma hopi mas tempo di loke a spera.
Manera ta conoci, e cuenta bancario di Arubus a worde hacked na Hong Kong, pa cual e ta un
proceso cu a tuma tempo, e contacto tabata hopi via corespondencia, mientras cu mester a bay
Corte cinco biaha.
E ultimo biaha, dia 28 di januari, Huez a ordena e banco cu e mester entrega placa di e cuenta na
Abogadonan di Arubus na Hong Kong. A dura casi 4 siman prome cu e Abogado a haya un “red
seal” for di un Huez pa e banco por transferi e placa.
E suma cu a keda a worde manda caba pa e cuenta di Arubus na Aruba. Croes a splica cu tin un
diferencia entre e suma original y loke cu nan a haya, ya cu gastonan di Abogado y Corte a
worde kita di biaha. Pero tambe tin un diferencia di 5 mil Dollar cu loke nan mester haya y pa
esaki a haci un demanda caba. E sucedido ta exigi mas control di parti di Arubus.
A tuma e decision hunto cu banco, cu un aprobacion no ta bay via di un persona so mas. A limita
e suma cu ta worde paga di un solo tiro y a trece un procedura unda cu un persona ta hinca e
suma (e recibo) cu mester worde paga, e controlador financiero ta verifica e suma aki, y
unicamente director por aproba e pago na final.
“Sin e tres clavenan aki hunto, e pago no por worde pasa. Nan mester tin tur tres passworde,”
Croes a duna di conoce. Y a agrega cu lo trata pa haya via di e seguro cu nan tin, cu e banco lo
cubri e diferencia pa Arubus haya e suma completo back. Esta cu e gastonan di Abogado y